Chɛɛ ɛ a bɔ nyina yama wɔnfea chee wan, miin yau an ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua‑a kaka, a ni ben a kɔma ma. Ɛ ma‑a ka wan wo ko yama ma mɔɛ bonda chɛ sima n na, wo wɛn mbe ka ban‑da n dɔ.”
Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”
Den chɛ yɛ‑a bui‑a mansa tena, mbɛ a ɔ, “Chɔn, min mbe yii chɛ mɔɛ n kunɛ ɔ, Yataa chia a, a kunɛ. N toen mu an na, sanche wɛɛ i gba chɛ ɔ, an ni a be n ma piiti ɔ.”
Mbɛ Chisɔsi fɛ den tan kun ma fea chɛ n tɛ ɔ, dɔndɔ ni wan nɔ, min tɔ ni Chudasi. A tɔɛ ma sien fan ni to, an dɔ, Isikayɔti. Sitana bea‑a wan an Chudasi chɛ fɛ.
Chisɔsi ni gbɛ yɛɛ ma daun fenɛ an ma kɔn tena, an bɛ a fɛ denɛ n na. A tima chɛ a, Sitana chɛen fan ni gbɛ Chudasi faa ɔ, Chisɔsi ma tachɛ koe a, chɛɛ ma nyɔnɛ n ma. Chudasi chɛ ni kai Saimɔn Isikayɔti 'a denɛ an na.
Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.