A bɔ‑a kɛn, a ma che ni koɔ‑a an tena. A bun‑da koe siman‑da a boo a, chɛɛ a ma che ni bai dɔndɔ wɛɛ fɔ‑a. A tima a mu, mbɛ an‑na a ɔ sɔn, mbɛ a‑a kamaya koe an dɔ yen Yataa 'a chen chɛ a.
Mbɛ an‑na an boo kai an bɔɛ n ma dɛndɛ dɔndɔ ɔ, min mbe a ma, an ni na, an ni basan an ma. Mbɛ an na‑a, an gbɛɛ‑a nyɛ n bɔ yaa chɛ n na aan, an‑na dɛndɛ fea n na fa‑a gban. Ɛnden fan na‑a to dɛndɛ n gbu ni tunɛ yii ɔ.
Chɛɛ Pita ni wan a boo kai‑a an ma, an ma na sɔnkɔɛ chɛ. Mbɛ a si‑a a gbɛɛ ma, a‑a a ɔ yian, Mansa Yataa‑a a ma buɛ min dɔ, a bɔ‑a pimbi chen chɛ a. Pita‑a a fɔ wan an ye, a ɔ, an ni a ɔ yian Chimisi a, a basan an suun ma nyɔɛ n na Chasi ɔ. Mbɛ a ka‑a nɔ, a ta‑a kaina dɔ mende.
Mbɛ Pɔɔ‑a a kɔɔ sɔ, a‑a a boo a sɛ an too ma sɔ koe a, mbɛ a bun‑da koɔ‑a. A ɔ, “N bɔ Isɔɛɛ mɔɛ nu, wo wo too ma sɔ, wo wɛn bɛɛ ma Chu mɔ a, wo wo too ma sɔ n ma.
Mbɛ soya n kun ti chɛ dɔn‑da a ye, a ni koɔ mɔɛ chɛ n tena. A dɔn‑da kɛn, mbɛ Pɔɔ sɔ‑a sitɛpi chɛ a. Mbɛ a‑a a boo a ben ben mɔɛ chɛ n tena, an too ma sɔ koe a. An‑na a ɔ maun kɛn, Pɔɔ‑a bai chɛ an sa an tena, Ibu koɛ ɔ.