CHƆN 13:23 - Yataa 'a Dɔbɛnɛ Nama

²³ Chisɔsi fɛ den chɛ n dɔndɔ, min ko a ni di a ye kaka, a ni wan Chisɔsi tɔnfɛ daun chɛ‑a.

CHƆN 13:23 ပူးပေါင်းရင်းမြစ်များ

DUKU 16:22

“Tima che‑a wan, mbɛ yɔn tɔɛ chɛ fa‑a, mbɛ maeka n ta‑a a a, an‑na a si kai Ebeami baima, banda bu ɔ. Mbɛ chɛ gbakɔ, nyan tɔɛ chɛ wɛɛ fa‑a, mbɛ an‑na a tɔn,

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 11:3

Mbɛ tensa musu fea chɛ nu, an‑na sakana a ta Mansa Chisɔsi tena, an dɔ, an ni a fɔ a ye, mbɛ a dia nyɔɛ Dasayɔsi gbandi‑a.

CHƆN 11:36

Mbɛ mɔɛ chɛ n dɔ an nyɔn ma, an dɔ, “Wo a ɔ yen gbɛ, a toen ni buɛ min dɔ Dasayɔsi a.”

CHƆN 11:5

Chisɔsi toen ni suun ma nyɔ n sawa chɛ n na, Mɛi, Mata, a basan an tensa Dasayɔsi a.

CHƆN 13:24

Mbɛ Saimɔn Pita‑a a ya kai an fɛ den chɛ ma, a ɔ, a ni tisa chɛ ni Chisɔsi ɛ bai sa tena, a si nyɔn ma an tɛ ɔ.

CHƆN 13:25

Mbɛ an fɛ den chɛ, a‑a a da ma ta Chisɔsi too tena, mbɛ a ɔ, “Mansa, i yii mbe nyɔn na?”

CHƆN 19:26

Chisɔsi fɛ den chɛ, min ko a ni di a ye gbeden, a wɛɛ ni wan nɔ sɔ ɔ Chisɔsi de baima. Chisɔsi‑a an fea chɛ yen kɛn sɔ ɔ, mbɛ a ɔ, “N de, i 'a denɛ an nɛ gbɛ.”

CHƆN 20:2

Mbɛ a‑a bui sa a a Saimɔn Pita tena, an fea a bɔɛ fɛ denɛ dɔndɔɛ chɛ a, min ko a ni di ka gbeden Chisɔsi ye. Mbɛ an Mɛi chɛ‑a a fɔ an ye, a ɔ, “Mɔɛ n‑na mmɔ 'a mansa su bɔ kamba ɔ, a sin, nn ma a ɔ sɔn an taen mu a a kaina min.”

CHƆN 21:20

Mbɛ Pita‑a a ya a mun, mbɛ a‑a a bɔɛ chɛ yen na‑a gbaa a, a bɔɛ min ko a di ka an 'na mansa ye gbeden. A bɔɛ chɛ, an ni min dɔ daun chɛ tena yɛɛ ma tee a, an na‑a a da a ta Chisɔsi too baima, mbɛ a‑a a ɔ tisa, a ɔ, “Mansa, nyɔn gbu sin mbe na tena i ma tachɛ‑a, i chɛɛ ma nyɔnɛ n ma?”

CHƆN 21:24

N fan mu an fɛ den chɛ a, n fan‑na koe chɛ n gbɛɛ ɔ yen, mbɛ n‑na an nyɛn nɛ n 'na gboo chɛ ɔ. A sin, mmɔ‑a a ɔ sɔn fan, mbɛ n‑na miin gbɛɛ fɔ, mbɛ tea bai nu mu an na.

CHƆN 21:7

Mbɛ Chisɔsi fɛ denɛ dɔndɔɛ chɛ, min ko a ni di ka a ye gbeden, a‑a a fɔ Pita ye, a ɔ, “Mansa Chisɔsi an mbe ka sɔ ɔ tindi ma.” Pita‑a chɛ a min kɛn, mbɛ an 'na mansa an nɛ, mbɛ a na‑a a 'a doma min bɔ ka, ɛ nyɛ gbain chɛ‑a, mbɛ a‑a a chii fɔin a bu tɛ, mbɛ a dɛ‑a yii chɛ ɔ.