CHƆN 13:19 - Yataa 'a Dɔbɛnɛ Nama

¹⁹ Koe min mbe na tena ma‑a, n mbe an dɔ yian tena wo a sanche, a e na to ma‑a. Min mbe a ma, ɛ ma‑a tima min na, wo ni dan a a, mbɛ n fan, kunka mansa mu n fan na.

CHƆN 13:19 ပူးပေါင်းရင်းမြစ်များ

MATIU 11:3

Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”

MATIU 24:25

Wo‑a ɔ yen gbɛ, mbɛ koe miin mbe na tena ma‑a, n ban‑da an dɔ yian‑da wo a.

DUKU 21:13

Chɛɛ chɛ an mbe ma‑a tima a wo ko a, wo ni Yataa 'a sakana bai chɛndɛ ɔ yian mɔɛ chɛ n na.

CHƆN 1:15

Chɔn na‑a bai sa wan gbankon, a si a ma, a ɔ, “Mɔɛ chɛ mu, n‑na min na koe fɔ wo ye, n dɔ, ‘Mɔɛ min mbe na tena, n gbaa chia a, a gbasayaen mu a ni ben n ma.’ N dɔ, ‘Koe min na mu, a ni wan fɔɛ ɔ, n nii ma suun nin bɛ tima min na.’ ”

CHƆN 14:29

N mbe chɛ gbɛɛ fɔ tena wan wo ye sanche, an mbe e na to ma‑a. Chɛ ɛ a ma‑a wan, an mbe ma‑a tima min na, wo e dan‑da wan n da a bai n na.

CHƆN 16:4

Chɛɛ n mbe koe chɛ gbɛɛ ɔ yian tena wo a, a tima an ko a. Min mbe a ma, ni a che‑a, an ni koe chɛ n gbɛɛ ma wo a, n na‑a min gbɛɛ ɔ yian wo a, ɛ ma‑a wan wo yii ma. N nii ma koe chɛ n dɔ yian ni wo a, a ka wo bea tima chɛ gbɛɛ ma n fɛ. N‑na chɛ ma koe min na, mmɔ bɛ an ni chɛ gbɛɛ ɔ ben ben‑da.

CHƆN 4:26

Mbɛ Chisɔsi ɔ, “N fan gbu mu an mɔɛ chɛ a, n fɛn mbe ka koɔ tena i tena.”

CHƆN 8:28

Mbɛ a ɔ an ma, a ɔ, “Tima min na mu, wo e n na sɛ‑a kɔn gbengbandenɛ ma, n fan Mɔ Gbu 'a Denɛ, wo e n sɔn‑da a tima an na. Mbɛ n fan mu mɔɛ chɛ a, n fɛn mbe ka koɔ tena wo tena. Mbɛ wo‑a a ɔ sɔn to, mbɛ n mbe ee ko ɔ ko chɛ n kun ma a a. Chɛɛ Fa ɛ min fɔ n ye, a fɔ koe a, n mbe an fɔ dechee.

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”