CHƆN 13:14 - Yataa 'a Dɔbɛnɛ Nama

¹⁴ N fan, n fɛn mu wo 'a mansa a, ni wo kan mɔ, n‑na wo chenɛ n ma ko ka sanche. Chɛ ni a ma, wo wɛɛ, wo ni wo nyɔn chenɛ n ma ko.

CHƆN 13:14 ပူးပေါင်းရင်းမြစ်များ

CHƆN 11:2

Mɛi chɛ, an mbe na tena na‑a tu kunyɛ a diama fasi fasi‑a Chisɔsi chenɛ n ma, mbɛ a‑a an ma fian chɛndɛ chɛ, a kundi a. A tensa kai an nii nɛ Dasayɔsi chɛ a, min ni ka sa ɔ gbandi ɔ.

CHISƆSI 'A SƆ MƆƐ NU 20:35

N‑na a ɔ yian fan wo a, chia ɔ chia a, mɔɛ ɛ wai chɛ buɛ min dɔ a boo a, basan koe a mɔɛ n ma, boo ee miin ma, an ma koe chɛ koe a. Mmɔ yii ɛ ma‑a wan bai chɛ kɔ, Mansa Chisɔsi na‑a min fɔ, a ɔ, ‘Dua ɛ fenɛ be mɔɛ ma kaka, a ni ben a bia mɔɛ ma.’ ”

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

GBOO DOMI KO A 12:16

Wo wo boo a si wo nyɔn kɔɔ chɛndɛ chɛ. Wo ma ma dɔpanda tɔɛ n na. Baa ee ka mɔɛ miin ma, wo an ma wo dia nyɔɛ n na. Wo ma wo ta mansaencha a sɛ kaka.

GBOO SAA KƆYINDI KO A 12:3

Sanche gbɛ, n toen mu wo ni chɛ an dɔ sɔn. Mbɛ mɔ ɔ mɔ, Yataa Nyina ɛ min fɛ, a ee Chisɔsi main. A sin, mɔ ɔ mɔ ee a bɔ a da ɔ, a ni Chisɔsi chee mansa a, ni Yataa Nyina ma a sɔ ni chia ma.

GBOO SAA KƆYINDI KO A 8:13

Chɛ an fɛ mu, ni n daun fenɛ an mbe a ma, n suun ma nyɔɛ ɛ ko yama ma, mbɛ n mbe ee soe daun‑da to. Min mbe a ma, n ma na n suun ma nyɔɛ a dɛ ko yama ɔ.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

Gboo Kadesia Ko A 5:13

Koe min na mu, n suun ma nyɔɛ nu Chasi ɔ, Yataa‑a wo chee wan, a bɔ yɔncha ɔ. Chɛɛ yuu min tɛ‑a ka wo ma, wo ma ben ko yama ma‑a, wo gboo faa ma koe nu, wo ni a dɛn wo bɔ koe ma yɔncha ɔ. Chɛɛ koadianyɔncha ɔ, wo ma bɔi denɛ a wo nyɔn ko a.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

1 PITA 4:1

Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

1 PITA 5:5

Wo wan mɔ tɔngbɔɛ n nan sin, a chia dɔndɔ gbe chɛ a, a nyin wo ni kooya be chenanɛ n ma. Wo ma dɔpandaya bɔ, wo e ma wai chɛ‑a wo nyɔn ye. Koe min na mu, Yataa 'a gboo‑a a fɔ wan, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan chɛ n na, miin dɔ ma panda ni.”