CHƆN 13:10 - Yataa 'a Dɔbɛnɛ Nama

¹⁰ Chɛɛ Chisɔsi ɔ, “Ni mɔɛ‑a a ko fion, ɛ a chenɛ an ma ko gbɛ dechee, a mu min na, nɔɛ ee to a gboo tɔɛ gbɛɛ ma. A sin, wo koen fan mu gbɛ, chɛɛ wo dɔndɔ ma ko ni fion.”

CHƆN 13:10 ပူးပေါင်းရင်းမြစ်များ

MATIU 6:12

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

CHƆN 13:18

“N mbe ee bai chɛ fɔ tena wo gbɛɛ an ko a. N‑na a ɔ sɔn fan, n‑na n boo sɔ mɔɛ miin sima ma, ma koe a n fɛ. Chɛɛ Yataa 'a gboo‑a min fɔ, ɛ bɔ‑a wan a a. A‑a a fɔ wan, a ɔ, ‘Nn fea mɔɛ min na, nn mbe n 'na daun fenɛ ɔ du, a bun‑da n chɛɛ‑a.’

CHƆN 13:9

Mbɛ Saimɔn Pita ɔ te gbɛ, a ɔ, “Mansa, mbɛ i ma n chen dechee ma ko, chɛɛ n boo n bɛɛ ma ko, mbɛ i‑a n kunɛ wɛɛ ɔ ko.”

CHƆN 15:3

Bai chɛ nu, n‑na miin fɔ wo ye, an‑na a ma, wo bon chɛ n tɛ‑a wo ma, wo ni gbɔɛ be chɛndɛ chɛ.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Saa Tɛsadonika Ko A 5:23

Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

CHIMISI 3:2

Tima sɛsɛ ko a, mmɔ ɛ nyinamaya sɛsɛ bɔ wan, mmɔ gbɛɛ. Chɛɛ mɔɛ min mbe che tachɛ‑a fɔɛ ɔ, a ma nyinamaya bai sa ni, mabɔ ee an mɔɛ chɛ ma. A sin, ɛ kun fan tachɛ koe a a wandi gbu a.