CHƆN 12:48 - Yataa 'a Dɔbɛnɛ Nama

⁴⁸ Mɔ ɔ mɔ min mbe ban‑da n dɔ, a ni a boo bɔ n 'na sakana bai kɔɔ, min mbe kaa a tɛ‑a a wakoe ma, ɛ nɔ. N‑na bai miin fɔ, an fan mbe kaa a tɛ‑a a wakoe ma, a ni tɔɔ. Chɛ ɛ ma‑a wan tee dankama ma, mɔɛ n mbe an kɔɔ sɔ‑a saya ɔ tee min ma.

CHƆN 12:48 ပူးပေါင်းရင်းမြစ်များ

MATIU 10:15

N ni a ma din wo tena, mɔ yama chɛ nu suun Sɔdɔn duu ɔ, an fea Komoa a, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

MATIU 21:42

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, a 'a gboo kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a. Yataa an‑na chɛ ma. A sin mu kamaya koe an na mmɔ ya a.’ ”

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MAKI 12:10

Ɛ wan n yii ma, mbɛ wo‑a a kan fan Yataa 'a gboo ɔ, a kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

MAKI 8:31

Mbɛ Chisɔsi‑a a kuu sɔ a fɛ denɛ n kan‑da, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ, an mbe toa si‑a wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

DUKU 10:16

Mbɛ Chisɔsi‑a a fɔ a fɛ denɛ n ye, a ɔ, “Ni mɔ ɔ mɔ‑a a too ma sɔ wo ma, a‑a a too ma sɔ ka n fan ma. Ni mɔ ɔ mɔ ban‑da wo ɔ, a ban‑da ka n fan dɔ. Chɛɛ a sin mɔɛ min mbe ban‑da n dɔ, a ban‑da ka Yataa an dɔ, min‑na n na na.”

DUKU 17:25

Chɛɛ chɛ e na to ma‑a, n mbe tɔɔ‑a wan kaka, mbɛ mɔ bonda chɛ siman‑na an kan kɔ sɔ n na.

DUKU 20:17

Chɛɛ Chisɔsi‑a mɔɛ chɛ n ma fɛn fan, mbɛ a ɔ, “Ni wo‑a a fɔ, wo ɔ, gbuama bai an nɛ, mbɛ fen mu a nyɛndenɛ ɛ Yataa 'a gboo ɔ, mbɛ ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.’

DUKU 7:30

Chɛɛ Chu mɔɛ chɛ nu miin ni Fayisii n na, an bɛ Chu n n 'na sawa kan mɔɛ n na, an ban‑da bɔ koe a chia chɛ a, Yataa toen ni an ni bɔ min na. Koe min na mu, an ban‑da Chɔn ye yii chɛ koe a an kunɛ ɔ, Yataa chia a.

DUKU 9:22

Chisɔsi yɛ‑a wan to, mbɛ a‑a a fɔ an ye, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ‑a toa si wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

DUKU 9:26

Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.

CHƆN 11:24

Mbɛ a ɔ, “N‑na chɛ ɔ sɔn fan, mbɛ ɛ a kɔɔ sɔ‑a wan to saya ɔ, a ni yɛ fɔɛ ɔ. Chɛ ɛ ma‑a wan, tee dankama nɛnɛ ma, mɔɛ gbɛɛ ɛ ma‑a a kɔɔ sɔ‑a, a ka saya ɔ.”

CHƆN 5:45

Chɛ wɛɛ ni ma, a ma ma wo yii ma, mbɛ n fan mbe kun yama si‑a wo kun ma Fa tena. Chɛɛ Mosisi wandi gbu, wo yii sɔen mu min ma, sɔ koe a wo kɔ, an mbe an kun chɛ si‑a wo kun ma.

CHƆN 6:39

A sin, a wɛn‑na n sɔ, a faa ma koe n fan nɛ. Mbɛ n ma fo a 'a mɔɛ chɛ n dɔndɔ wɛɛ a, mɔɛ chɛ nu, a‑a miin be n ma. Chɛɛ tee dankama ma, n ni a ma, an gbɛɛ kɔɔ ni sɔ, a yɛ fɔɛ ɔ.

CHƆN 8:47

Mɔ ɔ mɔ min mu Yataa 'a denɛ a, a bu ɔ di wan tima ɔ tima, a too ma sɔ koe a Yataa bai ma. Chɛɛ wo tana, a 'a denɛ ma wo a, an fɛ mu, wo e ban wo too ma sɔ koe a, a da a bai n ma.”

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

CHISƆSI 'A SƆ MƆƐ NU 3:23

Ni mɔ ɔ mɔ sin ma an gbonka chɛ mɔɛ chɛ da a kuiɛ a min ni, Yataa ɛ a mɔɛ chɛ bɔ‑a wan a 'a mɔɛ n tɛ ɔ, mbɛ a‑a a mɔɛ chɛ kasaa.’ ”

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

GBOO FEAN BƆƐ KƆYINDI KO A 4:3

A sin, nn mbe chɛ ma tena wɛɛ, mɔɛ dɔ n mbe ee che Yataa bai chɛ ɔ gbɛ‑a, nn mbe min dɔ yian tena. An mɔɛ chɛ nu, miin mbe ee a ɔ gbɛ, an mu chɛ n fan na, miin mbe kasaa tena.

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

GBOO IBU MƆƐ N KO A 10:25

Mmɔ ma ban bɛn koe a kaina dɔndɔ, yɔ mɔɛ dɔ n mbe a ma buɛ min dɔ. Chɛɛ mmɔ ni mmɔ nyɔn faa ma nande, a bɛbɛɛ tima ɔ ma yansan to ka buɛ min dɔ, Mansa Chisɔsi na koe a.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 2:3

Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.

GBOO IBU MƆƐ N KO A 4:12

Koe min na mu, Yataa 'a bai, fɔɛ an mbe a ɔ, a sin gbasa. A ɛ wan dechee yɔ mɛ, min na saen mu kaka. A ɛ kun fan don koe a mɔɛ gboo ɔ chɛndɛ chɛ, a ni che a faa ma. Mbɛ fenɛ min be a ɔ, a yen‑da. Mbɛ mɔɛ chɛ 'a yiinachii, a basan a faa ma koe n na, an dɔ sɔn‑da.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

2 PITA 3:3

Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.