CHƆN 12:46 - Yataa 'a Dɔbɛnɛ Nama

⁴⁶ N na‑a dunya chɛ ɔ, a ma koe a, mɔɛ n ni manɛ ma sɔn. Chɛ ɛ a ma‑a wan, mɔ ɔ mɔ min mbe a kai fa‑a n na, a ee ma‑a kaina ɔ pimbienɛ ɔ.

CHƆN 12:46 ပူးပေါင်းရင်းမြစ်များ

MATIU 4:16

Mɔɛ nu nɔ, pimbi pimbi ɔ, an‑na Yataa 'a bauncha manɛ yen gbɛ. Chɛ nu, saya pimbi ɔ, an‑na manɛ yen.”

DUKU 2:32

Manɛ mu a a, mɔɛ n gbɛɛ tena, miin ma i sɔn tee, an ni i sɔn. Ɛ a ma‑a wan, basɔmaya wa ni ma i 'a mɔɛ n ma, nn fan Isɔɛɛ mɔɛ nu.”

CHƆN 1:9

Mɔɛ min mu tea manɛ a, min mbe manɛ be mɔ ɔ mɔ ma, a ni na tena wan dunya ɔ.

CHƆN 3:19

Yataa ɛ a 'a kaa a tɛ ka wan mɔɛ n ma. Manɛ na‑a wan dunya chɛ ɔ, min mu tea a si Yataa ma. Chɛɛ mɔɛ n toen mu ma koe a an 'na ko yama n pimbi ɔ, an mbe e na ma man chɛ ɔ. Koe min na mu, an chɛ chɛ wai nu, an ma nyin.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 9:39

Mbɛ Chisɔsi ɔ, “N na‑a dunya chɛ ɔ, n ni mɔɛ n 'na ko yama n na bɔ ya a ma. Min mbe a ma, mɔɛ miin fiondenɛ ɛ, an ya ni kaina yen. Miin sin, an ya ɛ kaina yen, an ni ma fion tɔɛ n na.”

CHƆN 9:5

N mbe tima min na dunya chɛ ɔ, n fan mu manɛ a dunya ko a.”

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”