CHƆN 12:43 - Yataa 'a Dɔbɛnɛ Nama

⁴³ An na‑a chɛ ma, koe min na mu, an toen ni mɔ gbu n ta tando an na, a ni ben Yataa ta ma.

CHƆN 12:43 ပူးပေါင်းရင်းမြစ်များ

MATIU 6:2

“Chɛ an‑na a fɔ, ni wo ma‑a wai nyima chɛ‑a yɔn tɔɛ n na, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a wai nyima chɛ‑a yɔn tɔɛ n na, Chu n 'na samun chɛ chenɛ n na, an mbe a ma wan, mɔ ɔ mɔ ni a ɔ yen, an mbe koe min chɛ tena. Ni an ma‑a wai nyima chɛ‑a an na dani n bɛɛ ma, an mbe a ma ka wan, min mbe a ma, mɔɛ n gbɛɛ ni an tando. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

DUKU 19:17

Mbɛ mansa chɛ ɔ, ‘En wai, en wai, wai chɛ mɔ chɛndɛ mu i a. I‑a danaya min bɔ ka fen denɛ kun ma, n mbe i ma‑a wan ya ɔ sɔɛ a, duu tan kun ma.’

CHƆN 12:26

Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHƆN 5:41

“Mɔ gbu 'a tando n ko a, n ma a yen ni fen kɔ fen na.

CHƆN 5:44

Wo bu ɔ dia‑a wan, wo e ma wo nyɔn bai‑a. Chɛɛ wo ee koe n ma, an ma buɛ n na, min mbe a ma, a wɛn mu dechee Yataa a, a ni wo bai. Mbɛ wo e che ka ma, wo ni dan n na?

CHƆN 7:18

Mɔɛ min mbe kanɛ chɛ, a wandi kun ma a a, a toen mu a ni a wandi an na buu fɛ. Chɛɛ mɔɛ min toen mu, mɔɛ min‑na a sɔ, a ni tando ma sɔn, a mɔɛ chɛ tea mɔɛ mu. A ee fania kan kɔ kan fɔ.

CHƆN 8:54

Chisɔsi ɔ, “Ni n gbu, n‑na basɔmaya be n fandi ma, an basɔmaya chɛ nɛnɛ, fen kɔ fen mbe ee a ɔ. Fa dechee, an mbe a ma tena, n mbe basɔmaya ma sɔn tena. Fa min ka, wo e a fɔ tena, wo ɔ, an mu wo 'a Yataa a.

GBOO DOMI KO A 2:29

A ee ka, Chu mɔɛ mu a faa an na, min mbe a bu ɔ. Yataa Nyina an mbe a ma, mɔɛ ni a faa gbɛɛ be Yataa ma, chɛɛ sawa nyɛnden fan mbe ee a ma chɛ ni ma. An mɔɛ chɛ, ɛ a 'a tando sɔn‑da wan Yataa a, ni mɔ gbu ma a tando nin bɛɛ.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

GBOO FEAN BƆƐ KƆYINDI KO A 10:18

Koe min na mu, mɔɛ min mbe a wandi tando, ko gbama mu. Chɛɛ mɔɛ chɛ, Mansa Chisɔsi wandi ɛ min bai, an mu tea tando a.

Gboo Saa Tɛsadonika Ko A 2:6

Nn tando koe nɛnɛ, a ee nn yii ma. Nn ma wo ɔ tisa ni a ma koe a, mɔ dɔ gbɛɛ n bɛɛ a.

1 PITA 3:4

Chɛɛ nyanɛ ɛ wan nɔ, min kun ma ee ka, an mu musu sɔnɛ a. Musu ni tima ya tachɛ koe a mɔ dɔ mende n na, a sin, sɔnkɔ sɔnkɔ nyina ma ma a fɛ. Nyan chɛ nyɔn sima, an ma kawaen mu Yataa tena.