CHƆN 12:42 - Yataa 'a Dɔbɛnɛ Nama

⁴² Chu n ya ɔ sɔɛ n sɛsɛ nu, a tima chɛ a, an bɛɛ kai faen fan ni Chisɔsi a. Chɛɛ Fayisii n bakoe na‑a a ma wan, an nii an 'na danaya chɛ a bɔ ya a ma. Koe min na mu, an nii ma to ni an ni an gbain kuɔ fɔ an 'na samun chɛ chen chɛ a.

CHƆN 12:42 ပူးပေါင်းရင်းမြစ်များ

MATIU 10:32

Chisɔsi ɔ te to an nu ma, a ɔ, “Mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ n mbe dɔn‑da wan an mɔɛ chɛ wakoe ma Fa ya kɔɔ banda bu ɔ, gbɛmbo tee ma.

DUKU 12:8

“N ni a ma din wo tena, mbɛ ni mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ, n fan Mɔ Gbu 'a Denɛ, n mbe dɔn‑da wan an mɔɛ chɛ wakoe ma maeka n ya kɔɔ.

DUKU 23:13

An yɛ‑a kɛn to Chisɔsi a, Kɔfana Padeti chen kɔɔ, mbɛ Kɔfana Padeti‑a Chu n tɛ mɔɛ Yataa a, an 'na mansa nu, a‑a an chee kaina dɔndɔɛ, an bɛ kun ti n na, a basan mɔɛ tɔɛ n gbɛɛ a.

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 11:45

Mɔɛ chɛ n sɛsɛ, miin na‑a na ka Mɛi sɛbɔ‑a, an na‑a a ɔ yen fan Chisɔsi na‑a koe min ma ka, mbɛ an‑na an kai fa a a.

CHƆN 12:11

A mu min na, an bakoe a ni to, an bɔ Chu mɔɛ n sɛsɛ, an ni ka tena an fɛ, an mbe an kai fa‑a Chisɔsi a.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 19:38

Koe chɛ n gbɛɛ maenɛ gbakɔ, Chosɛfi, min ka‑a Ayimatia duu ɔ, a‑a Kɔfana Padeti ɔ tisa wan Chisɔsi su ko a. Chosɛfi chɛ ni Chisɔsi fɛ denɛ an na, chɛɛ nun dɔ ni. A nii ma bɔ ni ya a ma, a mu min na, a chianden ni Chu gbakoo n fan ma. Kɔfana Padeti dɔn‑da kɛn su chɛ be koe a, a ni tɔn, mbɛ Chosɛfi‑a su chɛ a yii, a ta‑a a a.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 7:13

Chɛɛ mɔ ɔ mɔ nii a kuiɛ ma sɛ, an ni ma bai sa‑a a si Chisɔsi ma. Koe min na mu, an chianden fan ni ya ɔ sɔɛ chɛ n ma.

CHƆN 7:31

Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

CHƆN 9:22

A woo mɔɛ chɛ n na‑a chɛ fɔ, ya ɔ sɔɛ chɛ n ma chianɛ an dɔ. Koe min na mu, a ɔ bɛnden fan ni, mbɛ mɔ ɔ mɔ min mbe a fɔ‑a den, mbɛ Chisɔsi an mu kunka mansa a, a ma nyin a ko a. A mɔɛ chɛ ka‑a mɔɛ tɔɛ n ma fɛsɛ fɛsɛ, na koe a an fan Chu n 'na samun chɛ chenɛ a.

CHƆN 9:34

Chɛɛ ya ɔ sɔɛ chɛ n dɔ, “I wan, i suun‑da ko yama an dɔ. E ee kun i ni nn kan fen kɔ fen na.” Mbɛ an‑na a gbain nɔ fɛsɛ fɛsɛ, an 'na samun chɛ chen chɛ a.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 10:10

Koe min na mu, ni mmɔ‑a mmɔ kai fa Chisɔsi a, an mbe mmɔ ma mɔ tandenɛ n na a tena. Mmɔ 'a danaya chɛ sin, ni mmɔ‑a a ɔ yian den, an mbe na bauncha a mmɔ ko a.

1 CHƆN 4:15

Ni mɔ ɔ mɔ‑a a fɔ den, mbɛ Chisɔsi mu Yataa 'a denɛ an na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 4:2

Wo e kun‑da ka wan wo ni a ɔ sɔn, ni Yataa Nyina an mbe an fɛ. Mɔ ɔ mɔ min mbe a fɔ‑a fanka ɔ den, mbɛ Chisɔsi Chasi na‑a wan dunya chɛ ɔ mɔgbuya ɔ, Yataa Nyina an mbe a fɛ.