CHƆN 12:36 - Yataa 'a Dɔbɛnɛ Nama

³⁶ Chɛ an fɛ mu, wo wo kai fa man chɛ a, tima min na mu wɛ ɛ wo tɛ ɔ. Chɛ ɛ a ma‑a wan, wo ni ma mɔɛ n na, miin mbe manɛ ɔ tima ɔ tima ko a.” Bai chɛ fɔenɛ gbakɔ Chisɔsi boo ɔ, mbɛ a ta‑a, a‑a a wandi ya kɔɔɛ nun an mɔɛ chɛ n ma.

CHƆN 12:36 ပူးပေါင်းရင်းမြစ်များ

MATIU 21:17

Mbɛ a‑a mɔɛ chɛ n to Yataa 'a kata chɛ ɔ, mbɛ a ta‑a Bɛtani duu ɔ, mbɛ a chi‑a nɔ.

MATIU 5:14

“Wo maen fan mu yɔ sanku manɛ, mɔ gbu gbɛɛ ko a dunya chɛ ɔ. Duu wa min mbe sɔ ɔ kɔnkɔ a yansama kun tɛ, a ee che nun‑da.

DUKU 16:8

“Chɛ gbakɔ, kun ti chɛ‑a wai chɛ mɔ kafaen chɛ tando wan. A nii ma a tando ni a 'a kafaya chɛ an ko a. A na‑a a tando yiinadia chɛ an ko a, a‑a min bɔ. Dunya chɛ ɔ mɔɛ n yii na di kaka tachɛ koe a an nyɔn na, a ni ben Yataa 'a mɔɛ n ma.

CHƆN 1:7

An Chɔn chɛ na‑a, a ni man chɛ wakoe ɔ yian mɔɛ n na, min mbe a ma, mɔ ɔ mɔ ni an sakana bai chɛ a min, an sin ni dan a a.

CHƆN 11:54

Chɛ na‑a a ma wan, Chisɔsi nii ben ben to fanka ya kɔɔ Chudia chɛnyɛ ɔ. Chɛɛ a‑a min ma, a ka‑a wan nɔ, mbɛ a ta‑a kaina dɔndɔ, min ni fuinɛ baima. Mbɛ a si‑a nɔ duu dɔndɔ ɔ, min tɔ ni Ɛfan, an bɛ a fɛ denɛ n na.

CHƆN 12:37

Chisɔsi na‑a kamaya koe chɛ n gbɛɛ ma boo ɔ boo an ya kɔɔ, chɛ gbɛɛ ɔ, an nii ma an kai fa ni a a.

CHƆN 12:46

N na‑a dunya chɛ ɔ, a ma koe a, mɔɛ n ni manɛ ma sɔn. Chɛ ɛ a ma‑a wan, mɔ ɔ mɔ min mbe a kai fa‑a n na, a ee ma‑a kaina ɔ pimbienɛ ɔ.

CHƆN 3:21

Chɛɛ mɔ ɔ mɔ min mbe ko chɛndɛ ma, an mbe na man chɛ tena. A ɛ chɛ ma, min mbe a ma, man chɛ ni a ɔ yian, mbɛ ɛ kooya be wan Yataa ma, a chɛ chɛ wai n dɔ.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 8:59

Chɛ ko a, mbɛ an‑na senɛ n ya, a bondan koe a Chisɔsi a, an ni a fa. Chɛɛ a bɔ‑a wan an tɛ ɔ, Yataa 'a kata chɛ ɔ, kai wɛɛ, a a ma tɛ ni a ma.

Gboo Ɛfisɔsi Ko A 5:8

Koe min na mu, wo ni wan tee pimbi ɔ, chɛɛ sanche gbɛ wo e wan manɛ kɔɔ. Koe min na mu, wo ma‑a mɔ dɔndɔɛ a Mansa Chisɔsi a. A nyin wo tachɛ buɛ ni bɔ mɔɛ n na, miin mbe manɛ kɔɔ.

Gboo Saa Tɛsadonika Ko A 5:5

Wo gbɛɛ mu mɔɛ n fan na, miin mbe manɛ kɔɔ, miin mbe an tee chɛ ko a. Mɔɛ nu ma mmɔ a, miin mbe ee manɛ kɔɔ, miin mbe pimbi pimbi ɔ.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.