CHƆN 12:34 - Yataa 'a Dɔbɛnɛ Nama

³⁴ Mbɛ fanka chɛ koɔ‑a, an dɔ, “Mmɔ 'a sawa‑a a fɔ wan mmɔ ye, mbɛ kunka mansa ɛ ma‑a wan nn tɛ ɔ kuɔ fɔ ko a. Chɛɛ e gbɛ a fɔ‑a nn ye, mbɛ an mbe Mɔ Gbu 'a Denɛ a sɛ‑a wan kɔn gbengbandenɛ ma, a ni fa. Nyɔn mu an Mɔ Gbu 'a Den chɛ a?”

CHƆN 12:34 ပူးပေါင်းရင်းမြစ်များ

MATIU 16:13

Chisɔsi ta‑a Sisayea Fiipai tanda ɔ, an bɛ a fɛ denɛ n na. Mbɛ a‑a a fɔ an ye, a ɔ, “Mɔɛ n ta yiima ɔ, n fan, Mɔ Gbu 'a Denɛ, n mu nyɔn na?”

MATIU 21:10

Chisɔsi don‑da kɛn Chuusaɛn duu bu ɔ, duu gbɛɛ ɔ ma‑a wan. Mɔɛ gbɛɛ ɔ te, “Nyɔn mbe e nɛ?”

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

CHƆN 10:34

Chisɔsi ɔ, “A nyɛnden fan mu, wo wandi gbu 'a sawa gboo ɔ, mbɛ Yataa na‑a a fɔ wan, a ɔ, ‘Wo mu Yataa dɔma n fan na.’

CHƆN 12:32

Chɛɛ n fan, tima min na an mbe n na sɛ‑a kɔn gbengbanden chɛ ma, n mbe a ma‑a wan, mɔ ɔ mɔ ni na n tena.”

CHƆN 15:25

Chɛ ma‑a, min mbe a ma, min nyɛnden ni an 'na sawa n dɔ, a ni bɔ a a. A nyɛnden ni ka wan, ‘An too‑a wan n na dechee, n nii ma ko ɔ ko yɔn ni an ma.’

CHƆN 8:28

Mbɛ a ɔ an ma, a ɔ, “Tima min na mu, wo e n na sɛ‑a kɔn gbengbandenɛ ma, n fan Mɔ Gbu 'a Denɛ, wo e n sɔn‑da a tima an na. Mbɛ n fan mu mɔɛ chɛ a, n fɛn mbe ka koɔ tena wo tena. Mbɛ wo‑a a ɔ sɔn to, mbɛ n mbe ee ko ɔ ko chɛ n kun ma a a. Chɛɛ Fa ɛ min fɔ n ye, a fɔ koe a, n mbe an fɔ dechee.

GBOO DOMI KO A 3:19

Mmɔ‑a a ɔ sɔn gbɛ sanche, mbɛ sawa chɛ‑a min gbɛɛ fɔ, a sien mu chɛ n fan ma, miin mbe sawa gbu kɔɔ. An mbe a ma, an mbe ee kafai kan kɔ kan be ko yama ma koe a. A sin to, ɛ a ma‑a wan Yataa ni kaa a tɛ, a si mmɔ gbɛɛ a ko yama ma.

GBOO DOMI KO A 5:18

Chɛ an fɛ mu gbɛ, mɔ dɔndɔɛ 'a ko yama‑a mɔ gbu gbɛɛ ma ko yama ma mɔɛ n na. Mbɛ mɔɛ dɔndɔ wɛɛ, a 'a tea wai Yataa tena, a‑a mɔ gbu gbɛɛ kun ka, mbɛ a‑a fɔɛ be an ma.

GBOO IBU MƆƐ N KO A 7:24

Chɛɛ Chisɔsi tana, a 'a tɛ mɔya, a danka ee. Koe min na mu, ɛ ma‑a wan fɔɛ ɔ, kuɔ fɔ ko a.