CHƆN 12:29 - Yataa 'a Dɔbɛnɛ Nama

²⁹ Mɔ fanka chɛ miin ni ka nɔ sɔ ɔ, an‑na kuiɛ chɛ a min fan. A sin, an dɔ nu, an dɔ, “Banda an na‑a koɔ ka.” Mbɛ an dɔ n sin, an dɔ, “Maeka an koɔ‑a a tena.”

CHƆN 12:29 ပူးပေါင်းရင်းမြစ်များ

CHISƆSI 'A SƆ MƆƐ NU 9:7

Sɔɔ ni ka ta tena, an bɛ mɔɛ miin na, an bɛɛ na‑a sɔ wan, chɛɛ an ma bai tɛ ni a ma gbukuu wɛɛ. An bɛɛ na‑a mɔɛ chɛ kuiɛ a min fan, chɛɛ an nii ma an mɔɛ chɛ gbu yen ni an ya a.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 14:2

Mbɛ n‑na mɔɛ kuiɛ a min, a ka banda bu ɔ, kuiɛ gbankon ba yɔ yii tu kuiɛ, ni chɛ ma, banda tu kuiɛ. Kuiɛ chɛ bɔ‑a wan, yɔ kɔninka gbasi mɔɛ ɛ ma a boo a tɔmbɔ‑a a yuu a.

KO Ɔ NUNDENƐ 6:1

N ya to‑a ka wan sa tɔngbɔɛ chɛ a, mbɛ a‑a yuu saa tɛ gboo chɛ ma. Mbɛ fɔɛ fen naanin chɛ n dɔndɔ, n‑na a kuiɛ a min, min ni yɔ banda koɔ kuiɛ. A ɔ, “Na wɛ, i ni ta.”

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.