CHƆN 12:28 - Yataa 'a Dɔbɛnɛ Nama

²⁸ Fa, i 'a kamaya ɔ yian dunya chɛ ɔ.” Mbɛ kuiɛ a min‑da, a ka banda bu ɔ, a ɔ, “N ban‑da a ɔ yian‑da mɔɛ n na, n kamayaen mu buɛ min dɔ, a sin, n mbe na‑a wan to a ɔ yian‑da an na.”

CHƆN 12:28 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 11:26

Fa, n‑na i wai bɔ, koe min na mu, i toen ni a ni ma ka wan.”

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 26:42

Mbɛ Chisɔsi yɛ‑a to, a fean bɔɛ ɔ, mbɛ a‑a samunɛ chɛ. A ɔ, “Fa, ni ko yawaen chɛ ee che ben‑da n ma, mɔɔ ni n‑na a ɔ bia, mbɛ i faa ma, an ni ma.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MAKI 1:11

Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”

MAKI 14:36

A ɔ, “Fa, e kun fan ko ɔ ko ma. A ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

MAKI 9:7

Mbɛ dingbii yii‑a an kun na, mbɛ Yataa koɔ‑a an dingbii chɛ ɔ. A ɔ, “N 'na denɛ an nɛ, a ko a di n ye kaka. Wo a da a kuiɛ a min.”

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

DUKU 9:35

Mbɛ an‑na Yataa kuiɛ a min dingbii chɛ ɔ, a ɔ, “N 'na denɛ an nɛ, n‑na n boo sɔ min ma, wo wo too ma sɔ a ma.”

CHƆN 11:4

Chisɔsi‑a sakana chɛ a min kɛn, a ɔ, “Dasayɔsi 'a gbandi chɛ, a ee che‑a a ma‑a a ni fa kudai. Chɛ ɛ ma tena, min mbe a ma, mɔɛ n ni Yataa 'a gbasaya ɔ yen. A sin, ɛ ma tena to chia an na, n fan, Yataa 'a denɛ, mɔɛ n mbe n 'na kamaya ɔ yen‑da chia min na.”

CHƆN 18:11

Mbɛ Chisɔsi ɔ Pita gbu ma, a ɔ, “I 'a chɛɛ chɛ mɛ a yɛ a sa ɔ. N mbe mɔnɛ chɛ bia wan, Fa‑a a fɔ, n ni min dɔ bia. Ɛ i yii ma, n mbe ee a ɔ bia‑a?”

CHƆN 9:3

Mbɛ Chisɔsi ɔ, “A 'a fioncha chɛ ma bɔ ni ko fea chɛ dɔndɔ wɛɛ ɔ, a wandi‑a ko yama maenɛ ma, a woo mɔɛ n ta ma. Chɛɛ a suun‑da ka buɛ chɛ ɔ, min mbe a ma, mɔɛ n ni a ɔ yen a ta chɛ kun ma, kamaya koe miin mbe ma, Yataa dɔndɔ gbe gbaa chia a.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:10

A‑a chɛ ma, min mbe a ma sanche, a ni a ɔ yian nyina yama n na, an bɛ an ya ɔ sɔɛ n na, gbasaya ɛ miin boo ɔ banda a, mbɛ yiimatɛ koo a ɔ kaka. A‑a chɛ ɔ yian an na koe n fan dɔ, a‑a miin chɛ chɔchi ko a.

Gboo Ɛfisɔsi Ko A 3:21

Mmɔ wɛn mbe chɔchi ɔ, miin mu mɔ dɔndɔɛ a, mmɔ bɛ Chisɔsi Chasi a, mmɔ Yataa tando tima ɔ tima ko a, kuɔ fɔ ni kuɔ fɔ ko a. A ni ma ka.

2 PITA 1:17

Koe min na mu, nn bɛ ni nɔ kɔnkɔ duaen chɛ ma, tima min na Fa Yataa‑a basɔmaya wa be mansa Chisɔsi ma. A sin, nn‑na kuiɛ chenama wa a min fan, kamaya ɔ, a ka banda bu ɔ Yataa tena. Kuiɛ chɛ ɔ, “N 'na denɛ an nɛ, a ko a di n ye kaka. N faa chimaen mu a ko a.” Nn fandi gbu an‑na kuiɛ chɛ a min, a ka banda bu ɔ.