CHƆN 12:26 - Yataa 'a Dɔbɛnɛ Nama

²⁶ Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHƆN 12:26 ပူးပေါင်းရင်းမြစ်များ

MATIU 16:24

Mbɛ a ɔ an gbɛɛ ma, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

MATIU 25:21

Mbɛ a ɔ, ‘En wai. Mɔ chɛndɛ mu i a, i sin‑na a ɔ yian n na, mbɛ i danayaen mu kɔpɔ ɛnden bɛɛ kun ma. Chɛ ko a, n mbe kɔpɔ sɛmbɛnden be‑a wan i ma, i ni a kun ma fɛn. Na, mɔ ni buɔdia bɔ.’

MAKI 8:34

Mbɛ Chisɔsi‑a mɔ fanka fanka chɛ n chee a tena, ni a fɛ denɛ n bɛɛ. Mbɛ a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

DUKU 6:46

Chisɔsi ɔ, “Ni wo ee na‑a n da a kuiɛ a min‑da, wo ma n chee, ‘Mansa, Mansa.’

DUKU 9:23

Mbɛ a‑a a fɔ an gbɛɛ ye, a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn tee ɔ tee a, mɔnɛ ɔ bia koe a n ko a, a basan fa koe a.

CHƆN 10:27

N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

CHƆN 13:16

Ka n mbe chɛ ma din wo gbɛɛ tena, yɔnɛ ma ben ni a ti ma, a sin, sɔ mɔ kan kɔ kan ma ben ni mɔɛ ma, min‑na a sɔ.

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 14:3

A sin, ni n ta‑a, mbɛ n‑na kaina chɛ ɔ bɛn wo ko a, n mbe yɛ‑a wan to nɛ wo ya ɔ. Mbɛ n‑na a ma, mmɔ ta‑a, min mbe a ma‑a, n mbe ma‑a kaina min, wo wɛɛ, wo ni ma nɔ.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 21:22

Mbɛ Chisɔsi ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ni to a sun da a, aan n ni yɛ to dunya chɛ ɔ. A a tun dechee ma koe a n fɛ denɛ a.”

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO FEAN BƆƐ KƆYINDI KO A 4:5

Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

GBOO FEAN BƆƐ KƆYINDI KO A 5:8

Chɛ ko a, faachima koo mmɔ ɔ. A sin, mmɔ ɛ to‑a wan mmɔ ni bɔ dunya ma gboo chɛ ɔ, mmɔ ɛ min dɔ, mbɛ mmɔ ma‑a, mmɔ bɛ Mansa Chisɔsi a.

Gboo Kadesia Ko A 1:10

Ni n ma‑a chɛ fɔ‑a, n mbe ee ka a ma‑a na tea tea ɔ, mɔ gbu n ni to n na. Chɛɛ n mbe a ma tena wan ka, Yataa faa ni chima n na. Ni n toen ni tun mɔ gbu n faa ma koe an na, n nii che ma‑a tima chɛ a, Chasi 'a wai chɛ mɔɛ a.

Gboo Fiipai Ko A 1:23

Chɛɛ n gbu toen mu gbɛ n ni fa, nn fea ni ma Chasi a, min mu ko nyima wa a. A ɔ gbɛ n ko a, n faa ma ya koe a ko fea chɛ tɛ ɔ.

Gboo Kɔdɔsai Ko A 3:24

Wo e ma‑a ka wai chɛ‑a kun ti min ko a, a mu Chasi an na. A sin ni ma wo yii ma, mbɛ wo e wo 'a tɔnɔnɛ ma sɔn‑da Mansa Chisɔsi an na.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

1 CHƆN 5:3

Mmɔ ɛ koadia yian ka wan Yataa a, ni mmɔ don‑da a da a kuiɛ kɔɔ. Chɛ sin, a ma gbɛ a a min koe a.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.

KO Ɔ NUNDENƐ 14:4

Mɔɛ chɛ n fan nii nɛ, miin nii ma koa dɔndɔ bun ni, an bɛ musu kan kɔ kan na, an nii ma musu koe ɔ sɔn, an ma koenɛ ni fion. Mɔɛ chɛ n fan ni bea sa tɔngbɔɛ chɛ fɛ kan kɔ kan, a ni ta kaina min. Mɔ gbu n gbɛɛ tɛ ɔ, an tana, an‑na kunka ma sɔn fan. An ma‑a wan Yataa 'a mɔɛ saa n na, sa tɔngbɔɛ 'a mɔɛ saa nu, yɔ chin fenɛ saa, min mbe be Yataa ma.