CHƆN 12:2 - Yataa 'a Dɔbɛnɛ Nama

² An na‑a yɛɛ ma daun fenɛ ɔ bɛn fan Chisɔsi ko a, Mata ni min dɔ du tena. Dasayɔsi ni mɔɛ dɔndɔ an na, miin bɛ ni daunɛ chɛ tena tebu ma Chisɔsi a.

CHƆN 12:2 ပူးပေါင်းရင်းမြစ်များ

MATIU 26:6

Mbɛ Chisɔsi che‑a Bɛtani duu ɔ. A yia‑a wan kamin dɔndɔ 'a chenɛ a, min tɔ ni Saimɔn. Saimɔn chɛ ni mɔɛ an na, gbandi yama bɔen ni tee min gboo ma.

MAKI 14:3

Mbɛ Chisɔsi yɛ‑a Bɛtani duu ɔ. A ta‑a wan kamin dɔndɔ 'a chenɛ a, min tɔ ni Saimɔn. Saimɔn chɛ ni mɔɛ an na, gbandi yama bɔen ni tee min gboo ma. An fea Chisɔsi a, an ni kɛn si ɔ daun chɛ a, musu dɔndɔ na‑a wan tu kunyɛ a diama wa a an chen chɛ a. Tu chɛ sin ni baa min dɔ, a nyanden ni senɛ ɔ wan. Mbɛ a‑a baa chɛ da tɛ, a‑a a chɛ Chisɔsi kunɛ ɔ.

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

DUKU 14:12

Mbɛ Chisɔsi‑a a fɔ a yaa yii chɛ wɛɛ ye, a ɔ, “Ni i‑a daun chɛ bɛnɛ ɔ bɛn, i ma to nɔ i ni i dia nyɔɛ n fan chee dechee. I ma i suun ma nyɔɛ n dechee chee, a basan nyan tɔɛ n na. A mu koe min na, an bɛɛ i chee‑a wan to tima dɔ mende a an ta daun chɛ bɛnɛ n dɔ. Ni chɛ ma‑a, mbɛ i ban‑da i 'a pawa ma sɔn‑da koe chɛ ko a, i na‑a min chɛ an ye.

DUKU 22:27

Koe min na mu, mɔ fea n yen ko. Dɔndɔɛ ɛ si ɔ, dɔndɔɛ sin mbe na‑a daun fenɛ a a tena, ɛ a be a ma. Nyɔn mu mɔ chenama a an fea chɛ tɛ ɔ? Mɔɛ min mbe ka si ɔ, a bɔɛ ɛ daun fenɛ be‑a a ma, an mu mɔ chenama a. Chɛɛ n mbe wo tɛ sanche wo ma wai n fan chɛ koe a.

DUKU 5:29

Mbɛ Difai‑a daun chɛ bɛn ba ɔ bɛn fan a 'a chenɛ a, Chisɔsi ko a. Pawa kain mɔ sɛsɛ ni wan nɔ, ni mɔ dɔ mende nu, an bɛn chɛ ɔ, an gbɛɛ mbe si ɔ daun chɛ a, an bɛ Chisɔsi n na.

KO Ɔ NUNDENƐ 3:20

A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.