CHƆN 12:16 - Yataa 'a Dɔbɛnɛ Nama

¹⁶ A tima chɛ a, Chisɔsi fɛ denɛ n nii ma koe chɛ n dɔ gbɛ ni. Chɛɛ kɛn Yataa na‑a Chisɔsi kɔɔ sɔ, a sɛ‑a banda bu ɔ manɛ ɔ, mbɛ a puin‑da an yii ma, Yataa 'a gboo na‑a chɛ fɔ wan, a si a ma. A sin, an‑na an chɛ ka a ko a.

CHƆN 12:16 ပူးပေါင်းရင်းမြစ်များ

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

MAKI 9:32

Chɛɛ an nii ma a gbu ɔ gbɛ ni, a ni bai min fɔ tena. Chɛɛ an chianden fan ni dechee a ɔ tisa koe a.

DUKU 18:34

Chɛɛ a fɛ den chɛ n nii ma ko ɔ ko ɔ gbɛ ni, a si a 'a bai chɛ ma, koe min na mu, a fasai buɛ ɔ nunden fan ni an ma.

DUKU 24:25

Mbɛ Chisɔsi ɔ, “Wo wooen ba mu. Fen mu, wo ee fua dan‑da koe chɛ n na, Yataa 'a gbonka chɛ mɔɛ chɛ n‑na miin fɔ wo ye?

DUKU 24:45

A‑a a ma wan, an‑na Yataa 'a gboo ɔ gbɛ chɛndɛ chɛ.

DUKU 9:45

Chɛɛ a fɛ den chɛ n nii ma bai chɛ ɔ gbɛ ni, a mu min na, a nunden fan ni an ma, a ɔ gbɛ koe a. An sin chian‑da wan a ɔ tisa koe a, bai chɛ fasai koe a an ye.

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:4

Chɛɛ n mbe koe chɛ gbɛɛ ɔ yian tena wo a, a tima an ko a. Min mbe a ma, ni a che‑a, an ni koe chɛ n gbɛɛ ma wo a, n na‑a min gbɛɛ ɔ yian wo a, ɛ ma‑a wan wo yii ma. N nii ma koe chɛ n dɔ yian ni wo a, a ka wo bea tima chɛ gbɛɛ ma n fɛ. N‑na chɛ ma koe min na, mmɔ bɛ an ni chɛ gbɛɛ ɔ ben ben‑da.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 2:22

Chɛ an na‑a a ma, a na‑a a kɔɔ sɔ kɛn, a ka saya ɔ, a puin‑da a fɛ den chɛ n yii ma, a ni min fɔ tee. Mbɛ chɛ ko a, an dan‑da Yataa 'a gboo a, a basan bai chɛ n na, Chisɔsi ni miin fɔ.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.