CHƆN 12:13 - Yataa 'a Dɔbɛnɛ Nama

¹³ Chɛ ko a, mbɛ an‑na gbɛ nyanda an bia an boo ɔ, an mbe ta‑a buɔdia yee tɛ‑a, a ya ɔ chia a. An dɔ, “Mmɔ Yataa tando. Mansa Yataa ni mɔɛ chɛ dua, min na‑a a tɔɛ ɔ. Mansa Yataa ni mansa wa chɛ dua, min mbe na tena ma‑a Isɔɛɛ chɛnyɛ kun ma.”

CHƆN 12:13 ပူးပေါင်းရင်းမြစ်များ

MATIU 23:39

N ni a ma din wo tena, mbɛ a ka sanche ma, wo ee n yen‑da to, aan a ta tima chɛ ma, wo e a fɔ tima min na, wo ɔ, Mansa Yataa ni mɔɛ chɛ dua, min mbe na‑a a tɔɛ ɔ.”

MATIU 27:42

An dɔ, “A‑a mɔ dɔ mende n baun, chɛɛ a ee che a ni a wandi baun. Kamin chɛ an‑na a fɔ, a ɔ, an mu Isɔɛɛ mɔɛ n 'na mansa a. Ni a wan mu a a, a ni puin bɛ kɔn gbengbanden chɛ ma sanche, min mbe a ma, nn ni dan a a.

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 12:14

Mbɛ Chisɔsi‑a sofɛ tɔngbɔ dɔndɔ ma sɔn, a sɛ‑a min kun ma, a bun‑da na‑a Chuusaɛn. Yataa 'a gboo na‑a a fɔ ka wan dechee, a ɔ,

CHƆN 12:15

“Chuusaɛn mɔɛ nu, wo ma chian ko ɔ ko ma. Wo 'a mansa yen ko na‑a, ɛ si ɔ sofɛ tɔngbɔɛ kun ma.”

CHƆN 19:15

Mbɛ an‑na yee tɛ to, an dɔ, “A ni ka ka, a ni ka ka. A ma a ni fa kɔn gbengbandenɛ ma.” Chɛɛ Kɔfana Padeti ɔ, “Wo 'a mansa, wo toen mu n ni a ma, an ni a fa kɔn gbengbandenɛ ma, ae?” Chu n tɛ mɔɛ nu Yataa a, an 'na mansa n dɔ, “Nn 'na mansa mu Domi kun ti wa an na dechee.”

KO Ɔ NUNDENƐ 15:3

Mɔɛ chɛ nu, an na‑a si dɔndɔ a bɔ wan, a si Yataa‑a gbasaya ɔ yian buɛ min dɔ a 'a yɔnɛ Mosisi 'a tima a. A yɛ to, a‑a a ɔ yian buɛ min dɔ sa tɔngbɔɛ chɛ a tima wɛɛ a. An dɔ, “Yataa Mansa Wa, i wɛn gbasa fen fen ma, i chɛ chɛ wai n koo, da ɔ gbaa koe nu mu. Dunya gbɛɛ ɛ i 'a mansaya an kɔɔ. I 'a ko ɔ ko a kanden mu, a sin kafa ee a ɔ.

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.

KO Ɔ NUNDENƐ 7:9

Chɛ gbakɔ, mbɛ n‑na n ya a ta to, a yen ko, n‑na mɔ fanka wa yen, mɔ ee che an dan‑da. Mɔɛ chɛ n bɔ‑a wan chɛnyɛ kun kan kɔ kan dɔ, an bɔ‑a chɛnyɛ koɛ kan kɔ kan dɔ, ni dambi kan kɔ kan, a basan mɔ gbu kan kɔ kan na. An gbɛɛ ni wan sɔ ɔ, an ya a mundenɛ ɛ mansa sea chɛ ma, an ya a mundenɛ ɛ sa tɔngbɔɛ chɛ ma. An gbɛɛ ni koa gbɛ an dɔ, gbɛ nyanda bianɛ ɛ an boo a, buɔdia bɔɛ a.