CHƆN 12:1 - Yataa 'a Dɔbɛnɛ Nama

¹ Tee wɔdɔ an na‑a to, kun bɔ a ɔ bɛn chɛ ko a, mbɛ Chisɔsi ta‑a Bɛtani duu ɔ, Dasayɔsi waa a. Dasayɔsi chɛ ni, Chisɔsi na‑a a ma, a kɔɔ sɔ‑a, a ka saya ɔ.

CHƆN 12:1 ပူးပေါင်းရင်းမြစ်များ

MATIU 21:17

Mbɛ a‑a mɔɛ chɛ n to Yataa 'a kata chɛ ɔ, mbɛ a ta‑a Bɛtani duu ɔ, mbɛ a chi‑a nɔ.

MAKI 11:11

Mbɛ Chisɔsi don‑da kɛn Chuusaɛn duu ɔ, a ta‑a dɔndɔ gbe Yataa 'a kata ɔ. A‑a fen kɔ fen ma mɛn fan nɔ. A tima chɛ a gbɛ, tee ni bea koe an dɔ. Mbɛ an bɛ a fɛ den tan kun ma fea n na, an bɔ‑a, an ta‑a Bɛtani duu ɔ.

DUKU 24:50

Mbɛ Chisɔsi‑a a fɛ denɛ n ya wan, mbɛ a bɔ‑a an na Chuusaɛn duu bu ɔ, a ta‑a an na Bɛtani tanda ɔ. A‑a a boo dɛn an kun ma, mbɛ a‑a an dua.

DUKU 7:37

Yatina, a tima chɛ a, duu dia dɔndɔ ni wan nɔ an duu chɛ ɔ. A na‑a Chisɔsi ma tɔɛ a min fan, mbɛ ɛ daun chɛ‑a Fayisii chɛ 'a chenɛ a. A ta‑a wan tu kunyɛ a diama wa a an chen chɛ a. Tu chɛ ni baa an dɔ min nyanden ni senɛ ɔ. An sen baa chɛ baa ni gbɛ kaka.

CHƆN 11:1

Mbɛ kaminɛ yen ko, min tɔ ni Dasayɔsi, a bea‑a gbandi a. A waa tɔ ni Bɛtani. An duu chɛ ɔ, a tensa musu fea nu, an ni wan nɔ, Mɛi an fea Mata a.

CHƆN 11:43

Samunɛ chɛ chɛenɛ gbakɔ Chisɔsi boo ɔ, mbɛ a‑a chee chɛ gbankon, a ɔ, “Dasayɔsi, bɔ nɛ.”

CHƆN 11:44

Mbɛ Dasayɔsi bɔ‑a kamba chɛ gbu ɔ. A bɔ‑a kamba chɛ ɔ, fen gbɛ mendemendeenɛ ɛ a a. A chenɛ n ni ma e, a boo nu, ni a kunɛ gbɛɛ dondenɛ ni fen gbɛ chɛ ɔ. Mbɛ Chisɔsi ɔ an ma, a ɔ, “Wo kasanche chɛ gbɛɛ bɔ a ma, a ni ben ben.”

CHƆN 11:55

A tima chɛ a, tee kuunden fan na‑a to, Chu n 'na kun bɔ a ɔ bɛnɛ ko a. A sin, mɔ sɛsɛ na‑a sɛ wan Chuusaɛn duu ɔ, a ka duu tɔɛ chɛ n dɔ Chudia chɛnyɛ ɔ. An na‑a na, min mbe a ma, an ni an ko an 'na manda ɔ, bɛnɛ chɛ e na to che‑a.

CHƆN 12:12

Banda ɔ ka dɔndɔɛ ma, fanka wa chɛ, miin na‑a na ka kun bɔ a ɔ bɛn chɛ ɔ, an‑na a a min, mbɛ Chisɔsi ɛ na tena Chuusaɛn duu ɔ.

CHƆN 12:20

Mɔɛ chɛ nu, miin na‑a sɛ ka Chuusaɛn bɛn chɛ ɔ, Yataa fai koe a, mɔɛ n ni wan an tɛ ɔ, miin nii ma Chu mɔ a.

CHƆN 12:9

Chɛ ɛ ma‑a tima min na, mɔ fanka wa n‑na Chisɔsi wakoe a min Bɛtani duu ɔ, mbɛ an na‑a wan nɔ. An nii ma na ni, an ni Chisɔsi dɔndɔ gbe an yen. Chɛɛ an na‑a, min mbe a ma, an ni Dasayɔsi wɛɛ yen, Chisɔsi na‑a min kɔɔ sɔ a ka saya ɔ.