CHƆN 11:51 - Yataa 'a Dɔbɛnɛ Nama

⁵¹ Tea gbu a, Kayafasi nii ma bai chɛ fɔ ni, a wandi kun ma gbasaya an na. A ni ka a kɔɔ fɔ an na an ye, Yataa ni na tena koe min ma‑a. A ni ka a fɔ tena wan, mbɛ Chisɔsi ni na tena wan fa‑a Chu mɔɛ n ko a. Chɛ ma‑a koe min na mu, a san chɛ a, a wan ni Chu n 'na tɛ mɔ wa Yataa tena.

CHƆN 11:51 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

CHƆN 10:15

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

CHƆN 11:49

Chɛɛ an dɔndɔ ni wan nɔ, min tɔ ni Kayafasi. An ni tɛ mɔ wa a, Chu n tɛ Yataa a, an san chɛ a. Mbɛ a koɔ‑a, a ɔ, “Wo gbɛɛ, wo ma ko ɔ gbɛ nin bɛ.

CHƆN 18:13

An ta‑a mɔɛ min pɛn tena, an nɛ kai Anasi a. Chu n 'na tɛ mɔ wa Yataa tena, an san chɛ a, a ni Kayafasi an na. Anasi chɛ, a 'a denɛ musuma, an ni a boo ɔ.

GBOO SAA KƆYINDI KO A 13:2

Chɛ n bɛɛ, n mbe na tena ka miin ma dan‑da, an ni ma wɛɛ n boo ɔ, koadia ni ma n faa ɔ. Gbasaya ni ma n boo ɔ, Yataa da a kuiɛ ɔ yian koe a mɔɛ n na. A ni ma n boo ɔ, koe gbɛɛ mɔ gbu ee kun min dɔ gbɛ koe a, n ni an dɔ gbɛ. A ni ma to n boo ɔ, n ni n kai fa Chisɔsi a gbeden, min mbe che a ma‑a, n ni a fɔ kɔnkɔɛ ma, n dɔ, a ni ka a gba ɔ, mbɛ a kuɛn‑da. Chɛ n gbɛɛ ni ma wɛɛ n boo ɔ, ni koadia ee n faa ɔ, mɔ ma n na.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 2:2

Chisɔsi chɛ an ma‑a yasi a mmɔ 'a ko yama n ko a. A sin, mmɔ 'a ko yama n dechee ko a ma, chɛɛ dunya gbɛɛ 'a ko yama n ko a.