CHƆN 11:47 - Yataa 'a Dɔbɛnɛ Nama

⁴⁷ Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.

CHƆN 11:47 ပူးပေါင်းရင်းမြစ်များ

MATIU 26:3

Mbɛ Chu n tɛ ɔ mɔɛ nu Yataa a, an 'na mansa nu, a basan Chu gbakoo n na, an bɛn‑da kaina dɔndɔ, an 'na tɛ mɔ wa Yataa tena, a 'a chenɛ a. An 'na tɛ mɔ wa chɛ tɔ ni Kayafasi.

MATIU 5:22

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

MAKI 14:1

A to‑a gbɛ tee fea, mbɛ Chu n 'na kun bɔ a ɔ bɛnɛ bia tima che‑a, an 'na biidi dɛnfɛ daun bɛn chɛ. A tima chɛ a, Chu n tɛ ɔ mɔɛ nu Yataa, an 'na mansa nu, an bɛ Chu n 'na sawa kan mɔɛ n na, an toen ni an ni Chisɔsi bia nun dɔ, mbɛ an‑na a fa.

DUKU 22:2

A tima chɛ a, mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an toen ni an ni Chisɔsi fa nun dɔ. Koe min na mu, an chianden fan ni mɔɛ n ma na gbunɛ a bea.

CHƆN 11:57

Mɔɛ miin ni Chu n tɛ ɔ Yataa a, an 'na mansa nu, an bɛ Fayisii n na, an na‑a sawa a ben fan. An na‑a a fɔ wan, an dɔ, ni mɔ ɔ mɔ na‑a a ɔ sɔn, Chisɔsi ni kaina min, an dɔ, an ni a fɔ an ye, an dɔ, min mbe a ma, an ni a bia.

CHƆN 12:19

Mbɛ Fayisii chɛ nu, an bun‑da a fɔ‑a an nyɔn tɛ ɔ, an dɔ, “Wo‑a a yen, ko ɔ ko ee bɔ tena ɔ mmɔ boo ɔ. Wo ko bonda chɛ yen bɛ, dunya gbɛɛ ɛ a sɔ tena gbɛ a wan fɛ.”

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 6:2

Mbɛ mɔ fanka wa n bea‑a a fɛ, koe min na mu, an na‑a a ɔ yen fan, a na‑a a ma buɛ min dɔ gbandi mɔɛ n baun‑da.

CHƆN 7:32

Mbɛ Chu mɔɛ chɛ dɔ nu, miin ni Fayisii n na, an‑na fanka chɛ wɛwɛɛ kuiɛ a min bai chɛ n na, a si Chisɔsi ma. Chɛ ko a, an fan, an bɛ Chu n tɛ mɔɛ n na Yataa a, an 'na mansa n na, an‑na kata chɛ ɔ poesi n sɔ, a bia koe a.

CHƆN 7:45

Yataa 'a kata ɔ poesi chɛ n yɛ‑a kɛn, Chu n tɛ mɔɛ nu Yataa a, an 'na mansa chɛ n tena, an bɛ Fayisii chɛ n na, an‑na tisa chɛ, an dɔ, “Fen mu wo ma na ni an mɔna a?”

CHISƆSI 'A SƆ MƆƐ NU 5:21

Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.

CHISƆSI 'A SƆ MƆƐ NU 5:24

Chu n tɛ mɔɛ nu Yataa a, an 'na mansa nu, ni ya ɔ sɔɛ chɛ min ni Yataa 'a kata kun ma fɛn poesi chɛ n ya ɔ, bai chɛ‑a an na fii wan. An nii ma a ɔ sɔn, fen ma‑a Chisɔsi 'a sɔ mɔɛ chɛ n na.