CHƆN 11:41 - Yataa 'a Dɔbɛnɛ Nama

⁴¹ Mbɛ an‑na senɛ chɛ bɔ kamba chɛ da a. Chisɔsi‑a a ya a si banda a, mbɛ a‑a a fɔ, a ɔ, “Fa, n ni i wai bɔ, a mu min na, i‑a n 'na samunɛ a min fan.

CHƆN 11:41 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 11:26

Fa, n‑na i wai bɔ, koe min na mu, i toen ni a ni ma ka wan.”

MATIU 27:60

Mbɛ a ta‑a a a, mbɛ a‑a a tɔn a wan Chosɛfi gbu ta kamba ɔ, min sinden ni senɛ ɔ. Mbɛ a‑a faa gban ba tundun kamba chɛ da a, mbɛ a ka‑a nɔ.

MAKI 15:46

Mbɛ Chosɛfi‑a fen gbɛ san. Mbɛ a‑a Chisɔsi su a yii, a‑a a a mendemende fen gbɛ chɛ a. Mbɛ a‑a a sa kamba ɔ, min nyandenɛ ni senɛ ɔ. Mbɛ a‑a faa gban ba tundun kamba chɛ da a.

DUKU 10:21

A tima chɛ a, Yataa Nyina‑a a ma Chisɔsi bu ɔ dia‑a, mbɛ a‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena. Fa, n‑na i wai bɔ, koe min na mu, i toen ni a ni ma ka wan.”

DUKU 18:13

“Chɛɛ pawa kain mɔɛ chɛ sɔ‑a wan pɔɔ, a 'a ko yama maenɛ koa‑a a ma, a‑a a kunɛ a bun gbudu. Mbɛ a‑a a boo bun a kaa ɔ, a ɔ, ‘Yataa, chinchin n ma. Ko yama ma mɔɛ mu n na.’ ”

DUKU 24:2

Chɛɛ an‑na a tan fan, senɛ chɛ, an na‑a kamba gbu da a tɔn ka min na, a chenchendenɛ ɛ, a ka a da a.

CHƆN 11:22

Chɛɛ n‑na a ɔ sɔn fan, mbɛ sanche chɛ wɛɛ ɔ, ni i‑a Yataa ɔ tisa fen kɔ fen ko a, ɛ a be‑a wan i ma.”

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 20:1

Sau sau ma, Tɛnɛ kan kɔ dɔɛ ma, kaina a findenɛ ni wɛ tima min na, Mɛi min ka‑a Makadaa duu ɔ, a ta‑a Chisɔsi kamba chɛ tena. Mbɛ a‑a a ɔ yen, mbɛ senɛ min bundenɛ ni an fan chɛ da a, a su chɛ sa‑a ka kaina, mbɛ an senɛ chɛ ee to nɔ bun dɔ.

CHISƆSI 'A SƆ MƆƐ NU 7:55

Chɛɛ Yataa Nyina ni wan Sitibin fɛ gban. Mbɛ a‑a a ya a sɛ banda a, a‑a Yataa 'a manɛ yen ɛ man‑da. A yɛ to, a‑a Chisɔsi wɛɛ yen, ɛ sɔ ɔ Yataa boo nyima ɔ.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.