CHƆN 11:4 - Yataa 'a Dɔbɛnɛ Nama

⁴ Chisɔsi‑a sakana chɛ a min kɛn, a ɔ, “Dasayɔsi 'a gbandi chɛ, a ee che‑a a ma‑a a ni fa kudai. Chɛ ɛ ma tena, min mbe a ma, mɔɛ n ni Yataa 'a gbasaya ɔ yen. A sin, ɛ ma tena to chia an na, n fan, Yataa 'a denɛ, mɔɛ n mbe n 'na kamaya ɔ yen‑da chia min na.”

CHƆN 11:4 ပူးပေါင်းရင်းမြစ်များ

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 11:40

Chɛɛ Chisɔsi wɛɛ ɔ, “N na‑a a fɔ wan i ye, mbɛ ni i‑a i kai fa n na, e a ɔ yen‑da wan, Yataa ɛ kamaya koe miin ma.”

CHƆN 12:28

Fa, i 'a kamaya ɔ yian dunya chɛ ɔ.” Mbɛ kuiɛ a min‑da, a ka banda bu ɔ, a ɔ, “N ban‑da a ɔ yian‑da mɔɛ n na, n kamayaen mu buɛ min dɔ, a sin, n mbe na‑a wan to a ɔ yian‑da an na.”

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 17:10

Mɔɛ miin gbɛɛ n ko a, i wɛɛ, i 'a mɔɛ nu mu. Mɔɛ miin gbɛɛ, an mbe i ko a, n bɛɛ, n 'na mɔɛ nu mu. A sin, an mbe a ɔ yian tena wan, n kamayaen mu buɛ min dɔ.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 5:23

A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.

CHƆN 8:54

Chisɔsi ɔ, “Ni n gbu, n‑na basɔmaya be n fandi ma, an basɔmaya chɛ nɛnɛ, fen kɔ fen mbe ee a ɔ. Fa dechee, an mbe a ma tena, n mbe basɔmaya ma sɔn tena. Fa min ka, wo e a fɔ tena, wo ɔ, an mu wo 'a Yataa a.

CHƆN 9:24

Mbɛ an kamin chɛ, min fionden ni ka a kɔma a, an‑na a chee to, a gba fean bɔɛ ko a. Mbɛ an dɔ, “Yataa ɛ i yen tena wan i sɔ gba chɛ ɔ, tea fɔ wɛɛ nn ye, a tɔɛ ko a. Nn danden fan mu a a, mbɛ kamin chɛ, mbɛ ko yama ma mɔɛ mu a a.”

CHƆN 9:3

Mbɛ Chisɔsi ɔ, “A 'a fioncha chɛ ma bɔ ni ko fea chɛ dɔndɔ wɛɛ ɔ, a wandi‑a ko yama maenɛ ma, a woo mɔɛ n ta ma. Chɛɛ a suun‑da ka buɛ chɛ ɔ, min mbe a ma, mɔɛ n ni a ɔ yen a ta chɛ kun ma, kamaya koe miin mbe ma, Yataa dɔndɔ gbe gbaa chia a.

GBOO DOMI KO A 11:11

N mbe chɛ an fɔ tena gbɛ. Chu mɔɛ n na‑a nama wan, chɛɛ an nii ma bea chɛ ni, an mbe ee che an kɔɔ sɔ‑a min dɔ. Chɛ nii ma ma ni ɛnden bɛɛ a. An na‑a ko yama miin ma, an na‑a a ma mɔɛ miin ma Chu mɔɛ n na, an‑na bauncha ma sɔn. Chɛ ma‑a, min mbe a ma, Yataa ni an na sɛ, Chu mɔɛ chɛ n faa ni yɔn.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 1:20

A mu min na, ɛ wan n 'na yiinatɛ ɔ, ni n 'na yiinachii, mbɛ n mbe ee na‑a mau‑a ɛnden bɛɛ a. Chɛɛ tima ɔ tima ko a, a bɛbɛɛ sanche, n faa ɛ sɔ‑a wan gban. Chɛ ni a ma, n 'na fɔɛ gbɛɛ ɔ, n ni na basɔmaya a Chisɔsi tena, n ni ma wan fɔɛ chɛ ɔ, chɛ ma, n ni fa wɛɛ.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.