Ni a wan mu kunka mansa chɛ a, Chu mɔɛ n 'na mansa, a ni puin bɛ kɔn gbengbanden chɛ ma. Chɛ an mbe a ma‑a, nn ni a wakoe ɔ yen, mbɛ nn dan‑da a a.” An bɛ gbangban‑da ka mɔ fea miin na dɔndɔ a, an bɛɛ, an‑na a main ka wan.
Mɔɛ n ni wan nɔ sɔ ɔ, an mbe koe n dɔ gbɛ‑a miin ni ma tena. Chɛɛ Chu n kun ti n‑na ma yɛn ma koe n sɛ wan Chisɔsi ma. Mbɛ an dɔ, “A‑a mɔ dɔ mende n baun, a ni a wandi baun gbɛ, ni an mu kunka mansa a, Yataa‑a a boo sɔ min ma.”
Ko yama ma mɔɛ dɔndɔɛ chɛ, min ni ka nɔ dɛn dɔ, an bɛ Chisɔsi n na, a kai‑a wan Chisɔsi a manyinɛ a, a ɔ, “Kunka mansa chɛ mu i wan na, ae? Ni a mu i wan na, mbɛ i wandi baun bɛ, a basan nn bɛɛ a.”