Mbɛ Chisɔsi‑a a fɔ an ye, a ɔ, “Wo ta kamin chɛ tena duu ɔ. Ni wo ta‑a, wo a fɔ a ye, wo ɔ, n dɔ te, n 'na tima che‑a. Mbɛ a sin, n mbe kun bɔ a ɔ daunɛ chɛ tena nɔ wan a waa chenɛ a, mmɔ bɛ wo a.”
A sin, ni a don‑da chen kan kɔ kan na, wo a fɔ chen ti chɛ ye, wo ɔ, ‘Nn kan mɔ‑a nn sɔ, a ɔ, i ni dumu yian nn na. A ɔ, nn ni a ɔ bɛn daun chɛ koe a, kun bɔ a ɔ bɛn chɛ ko a. Dumu gbu ɛ wan nɔ?’
Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”
Ni a na‑a sa kuii chɛ da a, mɔɛ min mbe ma nɔ, a kun ma fɛnɛ a, ɛ a da a ka wan a ye. Ni a sin don‑da, a ni bun a 'a sa n chee‑a an tɔɛ ma, an mbe a kuiɛ a min fan. Mbɛ a bɔ‑a an na kuii gbu ɔ.
Mbɛ Chisɔsi fɛ denɛ dɔndɔɛ chɛ, min ko a ni di ka a ye gbeden, a‑a a fɔ Pita ye, a ɔ, “Mansa Chisɔsi an mbe ka sɔ ɔ tindi ma.” Pita‑a chɛ a min kɛn, mbɛ an 'na mansa an nɛ, mbɛ a na‑a a 'a doma min bɔ ka, ɛ nyɛ gbain chɛ‑a, mbɛ a‑a a chii fɔin a bu tɛ, mbɛ a dɛ‑a yii chɛ ɔ.