CHƆN 11:26 - Yataa 'a Dɔbɛnɛ Nama

²⁶ A sin, mɔ ɔ mɔ miin mbe fɔɛ chɛ ɔ, an sin kai faen mu n na, an mbe kuɔ fɔ fɔɛ ma sɔn‑da wan n na. I danden fan mu chɛ a?”

CHƆN 11:26 ပူးပေါင်းရင်းမြစ်များ

MATIU 26:53

A ni ma wo yii ma, mbɛ n mbe kun fan n ni Fa Yataa ɔ tisa, basan koe a n ma. A sin, a ɛ maeka wu sɛsɛ a na‑a wan, an ni butuinɛ chɛ n ko a.

MATIU 9:28

Chisɔsi‑a a fo, mbɛ a don‑da chenɛ a. Mbɛ fion tɔɛ fea chɛ n bɛɛ don‑da a tena. Mbɛ Chisɔsi‑a an dɔ tisa, a ɔ, “Wo gbu, wo dan‑da a a, mbɛ n mbe che wan a ma‑a wo ni kaina yen?” Mbɛ an dɔ, “Mansa, nn danden mu a a ka wan.”

MAKI 9:23

Mbɛ Chisɔsi ɔ, “N ta bai ma chɛ a, ni n mbe kun fan. Mɔ ɔ mɔ i wɛn mbe i kai fa‑a n na, Yataa ɛ ko ɔ ko chɛ wan i ye.”

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 14:10

A nyin i ni dan a a, mbɛ nn fea Fa a, mɔ dɔndɔɛ mu nn na. Bai chɛ nu, n‑na miin fɔ ka wo ye, an ma ka ni ka dechee n kun ma yiinachii an dɔ. Fa, nn fea mu min na mɔ dɔndɔɛ a, tima ɔ tima ko a, an mbe ma ka wai chɛ‑a.

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHƆN 9:35

Mbɛ Chisɔsi‑a a a min kɛn, koe min ma‑a, a‑a a ya a kan kamin chɛ a, an‑na min gbain ka. A‑a a yen kɛn, a ɔ, “I danden fan mu Mɔ Gbu 'a Denɛ a?”

GBOO DOMI KO A 8:13

Koe min na mu, ni wo ma‑a an gbasaya chɛ kɔɔ, wo e na‑a wan fa‑a kuɔ fɔ ko a. Chɛɛ ni Yataa Nyina chɛ‑a a ma, wo sɛmbɛ‑a fion an ko yama n na, wo e kuɔ fɔ fɔɛ ma sɔn‑da wan.