CHƆN 11:2 - Yataa 'a Dɔbɛnɛ Nama

² Mɛi chɛ, an mbe na tena na‑a tu kunyɛ a diama fasi fasi‑a Chisɔsi chenɛ n ma, mbɛ a‑a an ma fian chɛndɛ chɛ, a kundi a. A tensa kai an nii nɛ Dasayɔsi chɛ a, min ni ka sa ɔ gbandi ɔ.

CHƆN 11:2 ပူးပေါင်းရင်းမြစ်များ

MAKI 14:3

Mbɛ Chisɔsi yɛ‑a Bɛtani duu ɔ. A ta‑a wan kamin dɔndɔ 'a chenɛ a, min tɔ ni Saimɔn. Saimɔn chɛ ni mɔɛ an na, gbandi yama bɔen ni tee min gboo ma. An fea Chisɔsi a, an ni kɛn si ɔ daun chɛ a, musu dɔndɔ na‑a wan tu kunyɛ a diama wa a an chen chɛ a. Tu chɛ sin ni baa min dɔ, a nyanden ni senɛ ɔ wan. Mbɛ a‑a baa chɛ da tɛ, a‑a a chɛ Chisɔsi kunɛ ɔ.

DUKU 7:13

Mansa Chisɔsi‑a sunkun chɛ yen kɛn, a ma chinchinɛ‑a a bia wan, mbɛ a‑a a fɔ a ye, a ɔ, “Sɛmbɛ di‑a.”

DUKU 7:19

mbɛ a‑a an sɔ Mansa Chisɔsi tena, a ɔ tisa koe a, ni a wan mu mɔɛ chɛ a, a wan Chɔn ni gbonka chɛ tena min na koe a. A ɔ, kɔ an ni chia a fɛn mɔ dɔ mende ya ɔ.

CHƆN 11:21

Mata‑a Chisɔsi tan kɛn, a ɔ, “Mansa, ni i ni nɛ wan, n tensa chɛ nii fa‑a.

CHƆN 11:3

Mbɛ tensa musu fea chɛ nu, an‑na sakana a ta Mansa Chisɔsi tena, an dɔ, an ni a fɔ a ye, mbɛ a dia nyɔɛ Dasayɔsi gbandi‑a.

CHƆN 11:32

Mbɛ Mɛi‑a a fo Chisɔsi ni kaina. A sin‑na a yen kɛn dechee, a bea‑a dɔndɔ gbe a chenɛ a. A ɔ, “Mansa, ni i ni nɛ wan, n tensa chɛ nii fa‑a.”

CHƆN 12:3

Chisɔsi to‑a daun chɛ chɛ an na, an bɛ gbɛɛ mɔɛ chɛ n na, mbɛ Mɛi‑a tu kunyɛ a diama ya, sani dɔndɔ faa gban. Tu chɛ baa ni gbɛ sai ma, mbɛ a bun‑da a fasi fasi‑a Chisɔsi chenɛ n ma. Mbɛ tu chɛ kunyɛ, a‑a chenɛ gbu gbɛɛ ya. Mɛi yɛ‑a wan, a‑a Chisɔsi chenɛ n ma fian fian a kundi a.

CHƆN 13:13

A ɔ, “Wo e ma koɔ‑a n tena, tima dɔ n na, wo e n chee, wo ɔ, kan mɔ, dɔ n na, wo ɔ, mansa. A sin, wo e ma ka tea an fɔ‑a, koe min na mu, n fan nɛ.

CHƆN 13:14

N fan, n fɛn mu wo 'a mansa a, ni wo kan mɔ, n‑na wo chenɛ n ma ko ka sanche. Chɛ ni a ma, wo wɛɛ, wo ni wo nyɔn chenɛ n ma ko.