CHƆN 11:16 - Yataa 'a Dɔbɛnɛ Nama

¹⁶ Mbɛ Tɔmɔsi, an ni min tɔɛ ma si, an dɔ, Fɛn Kai, a koɔ‑a a bɔɛ chɛ n tena, a ɔ, “Mmɔ gbɛɛ mmɔ bɛ mmɔ kan mɔ a, mmɔ ta, min mbe a ma, mmɔ ni fa dɔndɔ a.”

CHƆN 11:16 ပူးပေါင်းရင်းမြစ်များ

MATIU 10:3

Fiipi ni Batɔɔmiu. Matiu, min ni pawa bia mɔɛ a, ni Tɔmɔsi. Chimisi, kai Afiɔsi 'a denɛ, ni Tadayɔsi.

MATIU 26:35

Chɛɛ Pita ɔ, “I fa tena, n fa tena. N mbe ee kɔɔsa bia chɛ‑a i wakoe ma.” Mbɛ Chisɔsi fɛ denɛ tɔɛ n gbɛɛ, an‑na a fɔ ka wan.

DUKU 22:33

Mbɛ Pita ɔ, “Fa, chɛɛ n ma bɛnden fan mu, an ni mɔ fea sa pimbi chenɛ a dɔndɔ a, mbɛ an‑na mɔ fea fa kaina dɔndɔɛ.”

CHƆN 11:15

Chɛɛ wo ko a, n bu ɔ di, n nii nɔ a fa tima a, min mbe a ma, wo ni wo kai fa n na. Wo na, mmɔ ni ta a su tan.”

CHƆN 11:8

Mbɛ an dɔ, “Kan mɔ, mmɔ ka kundu chɛ ɔ nɔ, mɔɛ chɛ n toen ni an ni i ma bon bon senɛ a, i ni fa. I toen mu to, mmɔ ni yɛ nɔ wan ka to?”

CHƆN 13:37

Mbɛ Pita ɔ, “Mansa, n mbe ee a sɔ i fɛ sanche, fen mu? I fa tena, n fa tena.”

CHƆN 14:5

Mbɛ Tɔmɔsi ɔ, “Mansa, e ta tena kaina min, a yiima kan kɔ kan mbe ee nn ma. Nn mbe ee kun, nn ni chia sɔn ta koe a nɔ. Chɛ ɛ ma wan?”

CHƆN 21:2

A fɛ den chɛ n fan ni nɔ. Saimɔn Pita, ni Tɔmɔsi, an ni min chee, Fɛn Kai, ni Natanɛɛ, min na‑a ka Kana, Kadidi chɛnyɛ ɔ, a basan kai Sɛbɛdi 'a denɛ kaima n na. Chisɔsi fɛ denɛ fea dɔ mende n ni wan to nɔ.

CHISƆSI 'A SƆ MƆƐ NU 1:13

Mbɛ an don‑da kɛn duu gbu bu ɔ, an na sɔn‑da wan banda a chen dɔndɔ dumu ɔ, an yia ni min na nɔ banda a. Pita ni wan nɔ, an fea Chɔn na, ni Chimisi an fea Anduu a. Fiipi wɛɛ, an fea Tɔmɔsi a, ni Batɔɔmiu an fea Matiu a. A yɛ to, Chimisi dɔndɔɛ wɛɛ, kai Afiɔsi 'a denɛ ni wan nɔ, ni Saimɔn min ni a 'a chɛnyɛ ma chɛɛ chɛ tena, ni Chudasi dɔndɔɛ wɛɛ, kai Chimisi 'a denɛ.