CHƆN 11:11 - Yataa 'a Dɔbɛnɛ Nama

¹¹ Chisɔsi‑a chɛ fɔ kɛn, mbɛ a yɛ‑a to, a ɔ, “Mmɔ dia nyɔɛ Dasayɔsi, chinɔɛ ben‑da a a. Chɛɛ n mbe ta tena wan, a sin, n mbe a a kunɛ‑a wan.”

CHƆN 11:11 ပူးပေါင်းရင်းမြစ်များ

MATIU 27:52

A yɛ to, kamba n bɛɛ na ka‑a wan. Mbɛ mɔɛ n na sɔ‑a, a ka saya ɔ, mɔɛ chɛ nu, miin tanden ni Yataa tena an 'na fɔɛ ɔ.

MATIU 9:24

Mbɛ a ɔ, “Wo gbɛɛ, wo bɔ baa ma. Den musuen den chɛ ma fa ni, a ɛ sa ɔ chinɔɛ an dɔ dechee.” Mbɛ an gbɛɛ bun‑da tɛndɔya yɛnɛ chɛ‑a a a.

MAKI 5:39

A don‑da chenɛ bu ɔ, mbɛ a ɔ an ma, “N ma a ɔ sɔn ni fen sɔnkɔ sɔnkɔ e nɛ. Wo sɛmbɛ di chɛ‑a. Den chɛ ma fa ni, ɛ sa ɔ chinɔɛ ɔ wan dechee.”

CHƆN 11:10

Chɛɛ ni a ma‑a tachɛ chɛ‑a pimbi pimbi ɔ, ɛ a chenɛ a tu wan, mbɛ a bea‑a. Koe min na mu, manɛ ee nɔ, kaina yen koe a.”

CHƆN 11:12

Mbɛ a fɛ den chɛ n dɔ, “Mansa, ni gbandi mɔɛ chɛ chinɔ‑a, mbɛ ɛ baun tena wan.”

CHƆN 11:13

Chisɔsi ni ka a fɔ an na an ye, mbɛ Dasayɔsi fa‑a. Chɛɛ an tana, an‑na a ya, mbɛ ɛ chinɔɛ chɛndɛ chɛndɛ an dɔ.

CHƆN 11:3

Mbɛ tensa musu fea chɛ nu, an‑na sakana a ta Mansa Chisɔsi tena, an dɔ, an ni a fɔ a ye, mbɛ a dia nyɔɛ Dasayɔsi gbandi‑a.

CHƆN 3:29

Sɛnama tana, musu fuu kai an ta mu a a. Chɛɛ an kai chɛ bɔɛ tana, min mbe ta a ya ɔ, dɔbɛn chɛ koe a, a too an ma sɔenɛ ɛ ma dechee. A bu ɔ dia‑a wan, ni a‑a musu fuu kai gbu kuiɛ a min. N ta buɔdia da faen mu ka wan gbɛ.

CHISƆSI 'A SƆ MƆƐ NU 7:60

Mbɛ a‑a a kumbai gbangban duu ma, mbɛ a‑a samunɛ chɛ, a kuiɛ ma sɛenɛ a. A ɔ, “Mansa, i boo bɔ mɔɛ chɛ n 'na ko yama chɛ n dɔ, an mbe ka min ma‑a n na.” A ban‑da kɛn samun chɛ chɛ‑a, mbɛ a fa‑a.

GBOO SAA KƆYINDI KO A 15:18

A gbu ɛ ma‑a wan to, yɔ mɔɛ chɛ n bɛɛ, miin na‑a an kai fa Chasi a, mbɛ an fa‑a, an to‑a saya ɔ.

GBOO SAA KƆYINDI KO A 15:34

Wo yiima chɛndɛ ni ma gbɛ wo baima, wo ni sɛmbɛ ko yama ma koe a kuɔ fɔ. N mbe chɛ fɔ tena den, mbɛ wo dɔ nu, wo ma ko ɔ ko sɔn, a si Yataa ma. Chɛ ni a ma wo ni mau.

GBOO SAA KƆYINDI KO A 15:51

Wo wo too ma sɔ koe chɛ ma, tea chɛ, min dɔ nunden ni tee. Mmɔ gbɛɛ, mmɔ ee na‑a fa a. Chɛɛ mmɔ gbɛɛ, mmɔ ma ɛ fan‑da wan.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

Gboo Saa Tɛsadonika Ko A 5:10

A wan fa‑a mmɔ ko a, min mbe a ma, mmɔ bɛ ni ma fɔɛ dɔndɔɛ ɔ. Tima min na ɛ na‑a to, mmɔ ni ma fɔɛ ɔ wan, mmɔ faen fan ni ma, chɛ ɛ ma‑a wan.

CHIMISI 2:23

Chɛ na‑a a ma wan, Yataa 'a gboo na‑a bai min fɔ, a bɔ‑a a a. A ɔ, “Ebeami‑a a kai fa wan Yataa a. A sin, Yataa wɛɛ‑a a ya mɔ tandenɛ a a chen kɔɔ.” A yɛ to, Ebeami gbu chee‑a wan Yataa dia nyɔɛ a.