CHƆN 10:6 - Yataa 'a Dɔbɛnɛ Nama

⁶ Chisɔsi na‑a tai chɛ an tɛ, chɛɛ an nii ma a ɔ gbɛ ni, a ni min fɔ tena an ye.

CHƆN 10:6 ပူးပေါင်းရင်းမြစ်များ

MATIU 13:34

Chisɔsi na‑a bai chɛ n gbɛɛ fɔ mɔ fanka chɛ n tena tai n fan dɔ. A sin tima ɔ tima gbɛ, a nii koɔ an tena gbama a, mɔɔ ni a‑a tai tɛ.

MATIU 13:51

Mbɛ Chisɔsi‑a a fɛ denɛ n dɔ tisa, ni an‑na tai chɛ n dɔ gbɛ wan. Mbɛ an dɔ, “Mm.”

MAKI 4:34

A nii bai sa mɔɛ n tena, ni a ma tai tɛ ni. Chɛɛ ni an dechee na‑a to, an bɛ a fɛ denɛ n na, a ni tai chɛ n gbɛɛ ɔ yian fan an na.

CHƆN 16:25

“N mbe ka sanche koe chɛ n gbɛɛ ɔ yian‑da wo a, tai n fan dɔ. Chɛɛ tima ɛ che‑a wan, mbɛ n‑na n boo bɔ tai a bɔɛ ɔ, mbɛ n koɔ‑a wo tena a si Fa ma, wo ni a ɔ gbɛ gbadan.

CHƆN 16:29

Mbɛ a fɛ den chɛ n dɔ, “Chɛ an nyin, i‑a tai tɛ boo ka gbɛ. I bun‑da a ma‑a gbɛ, nn mbe i da a kuiɛ ɔ gbɛ‑a gbadan.

CHƆN 6:52

Chɛ ko a, mbɛ mɔɛ chɛ n bun‑da kɔɔsa bia wa chɛ‑a an nyɔn tɛ ɔ, an dɔ, “Mɔna chɛ ɛ kun ka ma, a ni a gboo be koe fɔ mmɔ ma, a daun koe a?”

CHƆN 6:60

Chisɔsi fɛ denɛ n sɛsɛ, an fandi gbu na‑a a fɔ wan, an dɔ, “Kan chɛ nɛnɛ kɔ gbɛ. Nyɔn mbe che a too ma sɔ‑a chɛ ma?”

CHƆN 7:36

A ɔ te to, mbɛ a yen sɔɛ ɛ mmɔ bia wan, mmɔ ni a yan, chɛɛ a ɔ, mmɔ ee na‑a a yen‑da. A sin, a ɛ ta‑a kaina min, mmɔ ee che‑a ta‑a nɔ. Fen bai nu mu chɛ n na?”

CHƆN 8:27

Chɛɛ an dɔndɔ wɛɛ nii ma a ɔ gbɛ ni, mbɛ Chisɔsi ni koɔ tena a si a Fa Yataa an ma.

CHƆN 8:43

N‑na a ɔ sɔn fan, koe min‑na a ma, wo ee n da a bai n dɔ gbɛ. Ko dɔ gbɛɛ ma, wo ma to ni, wo ni wo too ma sɔ n da a bai n ma.

GBOO SAA KƆYINDI KO A 2:14

Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.

2 PITA 2:22

Koe chɛ min sin ma‑a ka an na, a ɔ yiandenɛ an nɛ, mbɛ tai min na‑a tɛ suun, tea mu. Tai gbu ɔ, mbɛ wuu an mbe yɛ a fɔnɔɛ daun‑da. A ɔ, kɔɛnya wɛɛ ɛ yɛ wan to a ma chemen chemen‑da, a koenɛ gbakɔ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.