Chu n ya ɔ sɔɛ n sɛsɛ nu, a tima chɛ a, an bɛɛ kai faen fan ni Chisɔsi a. Chɛɛ Fayisii n bakoe na‑a a ma wan, an nii an 'na danaya chɛ a bɔ ya a ma. Koe min na mu, an nii ma to ni an ni an gbain kuɔ fɔ an 'na samun chɛ chen chɛ a.
Chisɔsi ni tima min na Chuusaɛn duu ɔ, kun bɔ a ɔ bɛn chɛ tima a, mɔɛ sɛsɛ na‑a an kai fa wan a a. Koe min na mu, an na‑a a ɔ yen fan, a na‑a kamaya koe miin ma.
Samayia mɔɛ chɛ n sɛsɛ nu, an duu chɛ ɔ, an na‑a an kai fa wan Chisɔsi a. Chɛ na‑a ka musu chɛ da a bai an ma, a na‑a a fɔɛ min chɛ, a ɔ, a‑a ko ɔ ko ɔ yian a a, a ɔ, a wan musu chɛ, a ɔ, a na‑a min ma fɔɛ ɔ.
Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”