Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 10:27 - Yataa 'a Dɔbɛnɛ Nama

27 N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

အခန်းကိုကြည့်ပါ။ ကော်ပီ




CHƆN 10:27
26 ပူးပေါင်းရင်းမြစ်များ  

Mbɛ a ɔ an gbɛɛ ma, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.


Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”


Chɛɛ kamin chɛ ɔ, ‘N mbe ee dɔn. N ma a ɔ sɔn ni nyɔn mu wo a.’ ”


Chɛɛ n sin, n mbe a fɔ‑a wan an ye, n dɔ, ‘Wo ka n fɛ. N ma wo sɔn tee, wo wan ko yama ma mɔɛ chɛ nu.’ ”


Mbɛ Chisɔsi‑a kamin chɛ ma fɛn, a wakoe a dia‑a a ye. Mbɛ a ɔ kamin chɛ ma, a ɔ, “Ko dɔndɔ an to‑a, e min ma gbɛ. Ta, i ni i boo fenɛ gbɛɛ ma tachɛ. Mbɛ i‑a an kɔpɔɛ chɛ ya, i‑a a be yɔn tɔɛ n ma. Chɛ‑a a ma‑a wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a, i ma‑a n fɛ denɛ a.”


Mbɛ Chisɔsi‑a mɔ fanka fanka chɛ n chee a tena, ni a fɛ denɛ n bɛɛ. Mbɛ a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.


Chɛɛ ɛ a fɔ‑a wan to, a ɔ, a ma wo sɔn ɛnden bɛɛ a. A ɔ, ko yama ma mɔɛ mu wo a, a ɔ, wo ni ka a fɛ.


Mbɛ a‑a a fɔ an gbɛɛ ye, a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn tee ɔ tee a, mɔnɛ ɔ bia koe a n ko a, a basan fa koe a.


N fan mu sa kun ma fɛn mɔɛ chɛndɛ a. N‑na n ta sa n sɔn fan, a sin, n 'na sa n bɛɛ, an‑na n sɔn fan.


N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.


Chɛɛ mɔɛ tɔɛ n gbɛɛ, miin sɔ‑a n ya ɔ, miin na‑a a ma, yɔ an ni sa chɛ n kun ma fɛn tena wan, kanka kona wa mu an na. Chɛɛ sa chɛ n gbu ma an too wɛɛ ma sɔ ni an ma.


Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.


Mbɛ Chisɔsi ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ni to a sun da a, aan n ni yɛ to dunya chɛ ɔ. A a tun dechee ma koe a n fɛ denɛ a.”


Ka n mbe chɛ ma din wo tena, mbɛ tima ɛ che tena wan, a gbu sin che‑a, tima min na, mɔ faenɛ n mbe n kuiɛ a min‑da, n fan, Yataa 'a denɛ. An fɛn sin mbe an too ma sɔ‑a a ma, an mbe kuɔ fɔ fɔɛ ma sɔn‑da wan.


Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”


N‑na a ɔ sɔn fan, koe min‑na a ma, wo ee n da a bai n dɔ gbɛ. Ko dɔ gbɛɛ ma, wo ma to ni, wo ni wo too ma sɔ n da a bai n ma.


Ni mɔ ɔ mɔ sin ma an gbonka chɛ mɔɛ chɛ da a kuiɛ a min ni, Yataa ɛ a mɔɛ chɛ bɔ‑a wan a 'a mɔɛ n tɛ ɔ, mbɛ a‑a a mɔɛ chɛ kasaa.’ ”


Chɛɛ ni Yataa ko a dia‑a mɔɛ ye, ɛ a mɔɛ chɛ sɔn fan.


Chɛɛ sanche chɛ ɔ, wo‑a Yataa sɔn gbɛ. Chɛɛ tea gbu ko a, Yataa an‑na wo sɔn. Tea gbu ko a, a ee che ma‑a wo 'a yiinachii ɔ, wo ni mun to, wo ni bea nyina yama chɛ n fɛ, fanka ee ka miin na, a sin, an mbe ben‑da fen fuinɛ a. Wo e chɛ ma wan? A ee ma to wo 'a yiinachii ɔ ɛnden bɛɛ a, wo ma koe a to, an 'na yɔnɛ n na.


Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”


Chɛ an fɛ mu, Yataa Nyina ɛ a fɔ wan Yataa 'a gboo ɔ, a ɔ, “Ni wo‑a Yataa da a kuiɛ a min bi,


Mɔɛ chɛ n fan nii nɛ, miin nii ma koa dɔndɔ bun ni, an bɛ musu kan kɔ kan na, an nii ma musu koe ɔ sɔn, an ma koenɛ ni fion. Mɔɛ chɛ n fan ni bea sa tɔngbɔɛ chɛ fɛ kan kɔ kan, a ni ta kaina min. Mɔ gbu n gbɛɛ tɛ ɔ, an tana, an‑na kunka ma sɔn fan. An ma‑a wan Yataa 'a mɔɛ saa n na, sa tɔngbɔɛ 'a mɔɛ saa nu, yɔ chin fenɛ saa, min mbe be Yataa ma.


A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ