CHƆN 10:24 - Yataa 'a Dɔbɛnɛ Nama

²⁴ Mbɛ Chu mɔɛ n na sɔn sɔn‑da a 'a tindanɛ. Mbɛ an dɔ, “I ma a ma nn ni ma kɔndɔfii ɔ tima ɔ tima ko a, a si i wakoe ma. A ma gbu nn ni a ɔ sɔn, tea chɛndɛ chɛndɛ ko a, ni i wan mu kunka mansa chɛ a.”

CHƆN 10:24 ပူးပေါင်းရင်းမြစ်များ

MATIU 11:3

Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”

MAKI 8:32

A sin na‑a chɛ fɔ wan, an ni a da a kuiɛ ɔ gbɛ gbadan. Mbɛ Pita‑a Chisɔsi pɛn, a ɔ, an ni sɔ an fea a. An sɔ‑a kɛn, mbɛ Pita‑a a fɔ a ye, a ɔ, a ma bai kaina chɛ fɔ.

DUKU 3:15

A tima chɛ a, Chu mɔɛ n gbɛɛ ya mɛen fan ni gbɛ an kun ka mansa ya ɔ, min na koe ni a ɔ. An bun‑da an yii na chii‑a Chɔn na, an dɔ, kɔkɔɛ kunka mansa chɛ gbu an nɛ.

CHƆN 1:19

Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 10:31

Mbɛ Chu mɔɛ chɛ nu, an‑na senɛ ya to, a bon koe a fasa.

CHƆN 10:33

Mbɛ Chu mɔɛ chɛ n dɔ, “I 'a wai chɛndɛ chɛ nu, an dɔndɔ wɛɛ ko a ma, nn toen mu nn ni i bon, i ni fa. Chɛɛ e baa bɔ tena buɛ min dɔ Yataa ma, an donden mu nn ma. I mɔ gbu gbama gbama, e i wandi ya‑a Yataa a.”

CHƆN 16:25

“N mbe ka sanche koe chɛ n gbɛɛ ɔ yian‑da wo a, tai n fan dɔ. Chɛɛ tima ɛ che‑a wan, mbɛ n‑na n boo bɔ tai a bɔɛ ɔ, mbɛ n koɔ‑a wo tena a si Fa ma, wo ni a ɔ gbɛ gbadan.

CHƆN 8:25

Mbɛ an dɔ, “Nyɔn gbu sin mu i a?” Mbɛ Chisɔsi ɔ, “N‑na a fɔ wan wo ye a saa saa, n mu mɔɛ min na. N mu mɔɛ chɛ chɛndɛ chɛndɛ an na, n‑na a fɔ wo ye sɛsɛ, n mu mɔɛ min na.

CHƆN 8:53

Nn bɔ kɔnkɔɛ, Ebeami, a fa‑a wɛɛ, chɛɛ i ma i wandi ya, mbɛ i benden fan mu a ma, ɛnden bɛɛ a. A yɛ to, Yataa 'a gbonka chɛ mɔɛ n bɛɛ fa‑a wan. I‑a i wandi ya fen mɔ a?”

CHƆN 9:22

A woo mɔɛ chɛ n na‑a chɛ fɔ, ya ɔ sɔɛ chɛ n ma chianɛ an dɔ. Koe min na mu, a ɔ bɛnden fan ni, mbɛ mɔ ɔ mɔ min mbe a fɔ‑a den, mbɛ Chisɔsi an mu kunka mansa a, a ma nyin a ko a. A mɔɛ chɛ ka‑a mɔɛ tɔɛ n ma fɛsɛ fɛsɛ, na koe a an fan Chu n 'na samun chɛ chenɛ a.

GBOO FEAN BƆƐ KƆYINDI KO A 3:12

Chɛ an fɛ mu, yiinatɛ chɛ sima ɛ ka buɛ min dɔ nn dɔ, chian mbe ee nn dɔ.