CHƆN 10:18 - Yataa 'a Dɔbɛnɛ Nama

¹⁸ Mɔ ɔ mɔ ee kun a ni n fɔɛ ya n sun da a. Chɛɛ n fandi gbu, n fan mbe n fɔɛ be‑a. Gbasaya been mu n fandi an ma, n fandi fɔɛ be koe a, an ni n fa. A gbasaya chɛ ɛ to n fandi an boo ɔ, a ma koe a to, n ni yɛ fɔɛ ɔ. Fa na‑a a fɔ ka wan n ye, a ma koe a.”

CHƆN 10:18 ပူးပေါင်းရင်းမြစ်များ

CHƆN 10:11

“N mbe wan yɔ sa kun ma fɛn mɔɛ chɛndɛ, min ma bɛnden mu a fɔɛ be koe a, a 'a sa n ko a.

CHƆN 10:15

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

CHƆN 10:17

“Fa Yataa toen fan mu n na, koe min na mu, n ma bɛnden fan mu, n ni n fɔɛ be, min mbe a ma, n ni danka to ma‑a fɔɛ ɔ.

CHƆN 14:31

Chɛɛ a nyin dunya chɛ ɔ mɔɛ nu, an ni a ɔ sɔn, mbɛ n toen mu Fa a. Chɛ an fɛ mu, ko ɔ ko ɛ min fɔ, n mbe an ma a buɛ an dɔ. “Wo wo kɔɔ sɔ, mmɔ ni bɔ nɛ.”

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 19:11

Chɛɛ Chisɔsi ɔ, “Gbasaya ee che ma‑a i boo ɔ n kun ma, ni Yataa an ma a be ni i ma. Chɛ an fɛ mu, mɔɛ min‑na a ma, an na‑a nɛ chɛ n na i chen kɔɔ, a ta ko yama benden mu i ta ma.”

CHƆN 5:26

N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.

CHƆN 5:30

Chisɔsi ɔ, “N mbe ee ko ɔ ko ma n ta gbasaya ɔ. Fa Yataa ɛ a fɔ buɛ min dɔ n ye, n mbe kaa a tɛ ka wan. Chɛ an fɛ mu, n sin mbe tea kaa an na tɛ. Tea mu chɛ a, koe min na mu, n mbe koe miin ma, n fandi faa ma koe n ma. Chɛɛ n mbe koe miin ma dechee, an fan nɛ chɛ n na, min‑na n sɔ, a toen mu miin na.

CHƆN 6:38

A mu min na, n yii‑a dunya ɔ, Fa Yataa faa ma koe an chɛ koe a, a wan‑na n sɔ. Chɛɛ n ma na ni n fandi ta faa ma koe an fan chɛ koe a.

CHISƆSI 'A SƆ MƆƐ NU 2:24

Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a.

CHISƆSI 'A SƆ MƆƐ NU 2:32

Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.