CHƆN 10:16 - Yataa 'a Dɔbɛnɛ Nama

¹⁶ N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 10:16 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

DUKU 15:8

Mbɛ Chisɔsi‑a tai dɔ mende tɛ an ye, a ɔ, “Kain gbɛnsɛn tanɛ ɛ musu boo ɔ, kain ba nu. Ni dɔndɔ gbe to‑a a ɔ, ɛ fen ma? Mɔ a yen, mbɛ ɛ dambo a man fan, mbɛ a‑a chenɛ chɛ doee gbɛɛ ɔ fian fo, ɛ a ya a kan‑da a 'a kain chɛ a kɔdɛɛ, aan a ni to a ɔ, a ni a yen.

CHƆN 10:11

“N mbe wan yɔ sa kun ma fɛn mɔɛ chɛndɛ, min ma bɛnden mu a fɔɛ be koe a, a 'a sa n ko a.

CHƆN 10:2

Mɔɛ min mbe don a da 'a chia a, an mu sa kun ma fɛn mɔɛ gbu a.

CHƆN 10:27

N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

CHƆN 10:3

Ni a na‑a sa kuii chɛ da a, mɔɛ min mbe ma nɔ, a kun ma fɛnɛ a, ɛ a da a ka wan a ye. Ni a sin don‑da, a ni bun a 'a sa n chee‑a an tɔɛ ma, an mbe a kuiɛ a min fan. Mbɛ a bɔ‑a an na kuii gbu ɔ.

CHƆN 10:4

Ni a ban‑da bɔ‑a a ta sa chɛ n gbɛɛ a, ɛ sɔ wan an ya ɔ, mbɛ sa chɛ n‑na a sɔ a fɛ, a mu min na, an‑na a kuiɛ sɔn fan.

CHƆN 10:5

Sa chɛ n mbe ee bea mɔ dɔ mende fɛ. Chɛɛ an mbe min ma, an mbe ben fan bui a, a ka mɔ dɔ mende baima. Koe min na mu, a mɔɛ chɛ kuiɛ ma bɔ ni an ti kuiɛ a.”

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

CHƆN 17:20

“N mbe samunɛ min chɛ tena, n fɛ den chɛ n dechee an ko a ma. Chɛɛ mɔɛ chɛ n bɛɛ ko a, miin mbe an kai fa‑a n na, a mu min na, n fɛ den chɛ n koɔ‑a an tena a si n ma.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHISƆSI 'A SƆ MƆƐ NU 15:14

Saimɔn Pita ban‑da a ɔ yian‑da mmɔ a, Yataa na‑a a 'a koadia ɔ yian buɛ min dɔ, tima saa saa ko a, mɔɛ chɛ n na, miin nii ma Chu mɔ a. A na‑a a boo sɔ wan an dɔ n ma, ma koe a a ta mɔɛ n na.

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

1 PITA 2:10

A saa a, Yataa 'a mɔ nii ma wo a. Chɛɛ sanche gbɛ a 'a mɔɛ mu wo a. A saa a, wo nii ma Yataa 'a chinchimaya ɔ sɔn. Chɛɛ sanche gbɛ wo ban‑da a 'a chinchimaya sɔn‑da.

1 PITA 2:25

A saa a, wo ni wan ben‑da wo kun ye, yɔ sa miin toenɛ a ɔ. Chɛɛ wo ya a yɛ‑a gbɛ Yataa ma, min mbe wo kun ma fɛn.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

KO Ɔ NUNDENƐ 3:20

A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.