CHƆN 10:10 - Yataa 'a Dɔbɛnɛ Nama

¹⁰ Kanka tana, ɛ na dechee kanka chɛ koe an na, fen fa koe a, a basan kasaa chɛ koe a. Chɛɛ n fan, n na‑a, min mbe a ma, n 'na sa n ni fɔɛ ma sɔn, kuɔ fɔ fɔɛ. An sin, an fɔɛ chɛ ɔ, an mbe n 'na dua gbɛɛ ma sɔn‑da wan.

CHƆN 10:10 ပူးပေါင်းရင်းမြစ်များ

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 21:13

Mbɛ a‑a a fɔ an ye, a ɔ, “A nyɛnden fan mu Yataa 'a gboo ɔ, mbɛ Yataa‑a a fɔ wan, a ɔ, a 'a chenɛ ɛ ma‑a samun chɛ koe an na. Chɛɛ wo‑a a 'a chen chɛ mun gbɛ kanka n nun tena an na.”

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

MAKI 11:17

Chɛ gbakɔ, a bun‑da an kan‑da, a ɔ, “A nyɛnden fan mu Yataa 'a gboo ɔ, mbɛ Yataa‑a a fɔ wan, a ɔ, a 'a chenɛ ɛ dechee samun chɛ koe an na, dunya gbɛɛ ko a. Chɛɛ wo‑a an chen chɛ mun kanka n nun tena a.”

DUKU 19:10

N fan, Mɔ Gbu 'a Denɛ, n naen mu dunya chɛ ɔ mɔɛ n fan yan koe a, miin toen mu a ɔ Yataa ma, n ni an kun ka.”

CHƆN 10:1

Mbɛ Chisɔsi‑a a fɔ, a ɔ, “Ka n mbe chɛ ma din wo tena. Mɔɛ min mbe ee don‑da sa kuii ɔ, a da 'a chia a, chɛɛ ɛ sɛ‑a chia dɔ mende a, a mɔɛ chɛ mu kanka kona wa an na.

CHƆN 10:11

“N mbe wan yɔ sa kun ma fɛn mɔɛ chɛndɛ, min ma bɛnden mu a fɔɛ be koe a, a 'a sa n ko a.

CHƆN 12:47

Ni mɔ ɔ mɔ‑a a a min, n‑na bai miin fɔ, a sin, a ma a boo si ni an kɔɔ, n fan mbe ee na‑a kaa a tɛ‑a a mɔɛ chɛ ma, a ni tɔɔya. N na‑a dunya chɛ ɔ, mɔɛ n baun koe an na, chɛɛ an 'na tɔɔya koe ma.

CHƆN 12:6

A nii ma chɛ fɔ ni, a ɔ yian koe a, mbɛ yɔn tɔɛ n bakoe ɛ wan a faa ɔ. Chɛɛ a na‑a a fɔ, koe min na mu, kanka ni a a. A wan ni an 'na kɔpɔɛ kun ma, a bɔɛ n gbɛɛ ko a. A sin, tima sɛsɛ ko a, a ni kɔpɔɛ chɛ dɔ ya wan, ɛ a don a ta faa ma koe ɔ.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 5:40

Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHƆN 6:33

A mu min na, daun fen chɛ, Yataa‑a min be, a mu chɛ an na, min ka‑a banda bu ɔ, a yii‑a, a‑a fɔɛ be dunya ma.”

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

GBOO DOMI KO A 2:21

Wo sin, a yen ko, wo e mɔ dɔ mende n kan, a gbu nyin wo ni wo wandi kan. Wo e a fɔ wan mɔɛ n ye, mbɛ an ma kanka chɛ, chɛɛ wo wandi sin mbe a chɛ wan.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

GBOO IBU MƆƐ N KO A 6:17

Chɛ an fɛ mu, mɔɛ chɛ nu, tooɔdia chɛen ni miin na, Yataa toen ni a ni a ɔ yian an na, mbɛ ɛ bai min fɔ, an mbe ma. A sɔnɛ chɛ ee a ɔ, bai fɔ koe a bi, mbɛ a‑a a ka a gba ɔ sinan. Chɛ an na‑a a ma, a‑a a kai, a da a bai kun ma.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

2 PITA 1:11

Chia chɛ sin na mu, wo e tea da faenɛ ma sɔn‑da ben koe a, a ta dɔndɔ gbe mmɔ 'a mansa, ni mmɔ baun mɔɛ Chisɔsi Chasi, ɛ kaina min mansaya ɔ kuɔ fɔ ko a. Yataa ɛ a boo si‑a wan wo kɔɔ.