CHƆN 1:51 - Yataa 'a Dɔbɛnɛ Nama

⁵¹ Mbɛ a‑a a fɔ an ye, a ɔ, “Ka wɛ n ni chɛ ma din wo tena. Wo e a ɔ yen‑da wan, banda bu ɔ da a ni ka, mbɛ Yataa 'a maeka n yii‑a. An mbe sɛ‑a wan, an mbe yii, n na tindanɛ, n fan, Mɔ Gbu 'a Denɛ.”

CHƆN 1:51 ပူးပေါင်းရင်းမြစ်များ

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 26:24

N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MATIU 3:16

A‑a yii chɛ kɛn dechee Chisɔsi kunɛ ɔ, Yataa chia a, Chisɔsi bɔ‑a wan yii ɔ. Mbɛ a yen ko, banda da a ka‑a a ya a a, mbɛ a‑a Yataa Nyina yen, ɛ yii‑a yɔ bugbɔɛ, mbɛ a si‑a a ma.

MATIU 4:11

Mbɛ Sitana gbu ka‑a Chisɔsi fɛ, a ta‑a. A yen ko, mbɛ maeka n na‑a, an‑na a deman.

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MATIU 9:6

N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ, n boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

MAKI 1:10

Mbɛ Chisɔsi bun‑da bɔ‑a yii chɛ ɔ, a sɛ tindi ma. Chɛ ɛ ma‑a dechee, mbɛ a‑a banda yen, a da a ka‑a dɔndɔ a. Ɛ ta ta‑a Yataa Nyina yen‑da yii‑a a kun ma, yɔ bugbɔɛ, mbɛ a si‑a a kun ma.

MAKI 14:62

Mbɛ Chisɔsi ɔ, “N fan nɛ. A sin, n fan, Mɔ Gbu 'a Denɛ, wo e n yen‑da wan, n mbe si ɔ kaina ma bɛndenɛ Yataa boo nyima ɔ, gbasaya ɔ. A sin to, wo e n yen‑da wan na‑a, banda a dugbu ɔ.”

DUKU 2:13

Mbɛ a ya kɔɔɛ a, maeka fanka fanka n bɔ‑a an ya a, a ka banda bu ɔ. Mbɛ an sɔ‑a maeka saa chɛ baima, an mbe ta‑a tando be‑a Yataa ma, an dɔ,

DUKU 2:9

Mbɛ Mansa Yataa 'a maeka bɔ‑a an ya a. A sin, manɛ‑a an na bɛn fan, Mansa Yataa 'a manɛ. Mbɛ an chian‑da kaka.

DUKU 22:43

Mbɛ maeka ka‑a banda bu ɔ, mbɛ a bɔ‑a a ya a, mbɛ a‑a faa be a ma.

DUKU 22:69

Chɛɛ a ka gbɛ sanche ma, n fan, Mɔ Gbu 'a Denɛ, n mbe ma‑a wan si ɔ Yataa boo nyima ɔ, gbasaya gbɛɛ ɛ min boo ɔ.”

DUKU 24:4

Mbɛ an na fii‑a, a si koe chɛ ma. An to‑a chɛ an dɔ, mbɛ a yen ko, mɔ kaima fea bɔ‑a an ya a, an mbe sɔ ɔ an baima, an ma chiienɛ ɛ koa manden ba ɔ.

DUKU 3:21

Chɔn ni tima min na yii chɛ‑a mɔɛ n kunɛ ɔ, Yataa chia a, a‑a a chɛ wan Chisɔsi wɛɛ kunɛ ɔ. Chisɔsi bun‑da samunɛ chɛ‑a, mbɛ a ya kɔɔɛ a, banda da a ka‑a.

CHƆN 1:50

Chisɔsi ɔ, “N‑na a fɔ wan i ye, mbɛ n‑na i yen fan, i ni tima min na fiki kɔn chɛ kɔɔ. Chɛ an gbu‑a a ma ka, i dan‑da ka n na? E na tena wan koe sɛsɛ ɔ yen‑da ma‑a, miin benden mu chɛ ma kaka.”

CHƆN 10:1

Mbɛ Chisɔsi‑a a fɔ, a ɔ, “Ka n mbe chɛ ma din wo tena. Mɔɛ min mbe ee don‑da sa kuii ɔ, a da 'a chia a, chɛɛ ɛ sɛ‑a chia dɔ mende a, a mɔɛ chɛ mu kanka kona wa an na.

CHƆN 10:7

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

CHƆN 13:16

Ka n mbe chɛ ma din wo gbɛɛ tena, yɔnɛ ma ben ni a ti ma, a sin, sɔ mɔ kan kɔ kan ma ben ni mɔɛ ma, min‑na a sɔ.

CHƆN 13:38

Chisɔsi ɔ, “Tea ko a, i ma bɛndenɛ mu, i ni fa n ko a, ae? Ka n mbe chɛ ma din i tena, e na tena min ma‑a. Tɛ kɔnɛ e na konchee banda ɔ ka da ma, e a fɔ‑a wan, gba sawa ko a, mbɛ i ma n sɔn ɛnden bɛɛ a.”

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHƆN 16:20

Ka n mbe chɛ ma din wo tena, mbɛ wo e di chɛ‑a wan gbafi gbafi, wo ya yii ni bɔn, a si koe chɛ n ma, miin mbe na tena n tan‑da. Chɛɛ mɔɛ chɛ n tana dunya ɔ, Yataa wakoe ee miin faa ɔ, an mbe ma‑a buɔdia an dɔ. Wo e ma‑a wan faamɔnɛ ɔ, chɛɛ wo 'a faamɔnɛ chɛ ɛ mun‑da buɔdia an na wo ma.

CHƆN 16:23

“Ni an tee chɛ che‑a, wo ee n dɔ tisa‑a to a si ko ɔ ko ma. Ka n mbe chɛ ma din wo tena, mbɛ ni wo‑a Fa ɔ tisa fen kɔ fen ko a, n tɔɛ ɔ, ɛ a be‑a wan wo ma.

CHƆN 21:18

A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 5:27

A sin‑na n si ka wan to a gbasaya chɛ ɔ, kaa a tɛ koe a. Koe min na mu a‑a chɛ ma, n fan mu Mɔ Gbu 'a Denɛ a.

CHƆN 6:26

Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.

CHƆN 6:32

Chisɔsi ɔ, “N mbe chɛ ma din tena wo tena, mbɛ Mosisi an nii ma daun fen chɛ be ni wo ma, min ka‑a banda bu ɔ. Chɛɛ Fa Yataa, an mbe daun fenɛ chɛndɛ chɛndɛ be wo ma, a ka banda bu ɔ.

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHƆN 6:53

Mbɛ Chisɔsi ɔ, “Ka n mbe a ma din to wo tena, mbɛ mɔɔ ni wo‑a n gboo daun, n fan Mɔ Gbu 'a Denɛ, wo ni n wii min, wo e na to ma‑a fɔɛ ɔ.

CHƆN 8:34

Chisɔsi ɔ, “Ka n mbe chɛ ma din wo tena, mbɛ mɔ ɔ mɔ min mbe ko yama ma, yɔnɛ mu a mɔɛ chɛ a, a 'a ko yama n boo ɔ.

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

CHISƆSI 'A SƆ MƆƐ NU 10:11

A‑a banda bu ɔ yen fan a a ka‑a, mbɛ a‑a fenɛ yen yii‑a dunya ɔ, yɔ koa wa, a biaenɛ ɛ a tɔnkɔn naaninɛ ma.

CHISƆSI 'A SƆ MƆƐ NU 7:56

Mbɛ a‑a a fɔ, a ɔ, “A yen ko, n‑na banda bu ɔ yen, a da a kaenɛ ɛ. A sin, an ni min chee, an dɔ, Mɔ Gbu 'a Denɛ, ɛ sɔ ɔ Yataa boo nyima ɔ.”

GBOO FEAN BƆƐ TƐSADONIKA KO A 1:7

Mbɛ wo wɛn sin na‑a an ko yawaen chɛ ɔ bia, Yataa ɛ bauncha be‑a wan wo ma. Ɛ a be‑a wan n bɛɛ ma, a basan nn bɔɛ n bɛɛ a. Ɛ chɛ ma‑a wan, tima min na Yataa ɛ Mansa Chisɔsi yian‑da, a ka banda bu ɔ, an bɛ a 'a maeka wa n na.

GBOO FEAN BƆƐ TƐSADONIKA KO A 1:9

Yataa ɛ a ma‑a wan, an ni tɔɔya ɔ yen, an ni kasaa kuɔ fɔ ko a. An tɛ duenɛ an mbe ma‑a mmɔ 'a mansa a, an mbe ee ma‑a a 'a manɛ kɔɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

CHUDA 1:14

Adami mama denɛ ta mama denɛ ta mama n denɛ dɔndɔ ni wan nɔ, min tɔ ni Ɛnoku. A na‑a bai sa wan suun, a si an mɔ bonda chɛ n ma. A ɔ, a yen ko, mbɛ Mansa Chisɔsi ɛ na‑a wan, a ɔ, an bɛ a 'a maeka wu sɛsɛ sɛsɛ n na.

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 4:1

Chɛ gbakɔ, mbɛ n‑na ko dɔ mende ɔ yen to. A yen ko, n‑na n ya a ta, n‑na chenɛ da a kaenɛ yen sɔ ɔ n ya kɔɔ banda bu ɔ. Mbɛ n‑na mɔɛ chɛ min kuiɛ a min a saa a, min na‑a koɔ n tena yɔ buu, n‑na a kuiɛ a min to. A ɔ, “Sɛ nɛ chɛ, min mbe a ma, n ni a ɔ yian i a, koe miin mbe na tena ma‑a.”