CHƆN 1:45 - Yataa 'a Dɔbɛnɛ Nama

⁴⁵ Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 1:45 ပူးပေါင်းရင်းမြစ်များ

MATIU 10:3

Fiipi ni Batɔɔmiu. Matiu, min ni pawa bia mɔɛ a, ni Tɔmɔsi. Chimisi, kai Afiɔsi 'a denɛ, ni Tadayɔsi.

MATIU 13:55

N‑na a ɔ sɔn fan a mu nyɔn na. Chen sɔ mɔɛ chɛ 'a denɛ an nɛ, a 'a musu Mɛi‑a min suun. Nyɔn ma a dɔɛ n sɔn? Chimisi ni ma, ni Chosɛfi, ni Saimɔn, a basan Chudasi a.

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MATIU 21:11

Mbɛ mɔ fanka chɛ nu na‑a, an dɔ, “Chisɔsi an nɛ, Yataa 'a gbonka chɛ mɔɛ. A ka‑a Kadidi chɛnyɛ ɔ wan, Nasaɛti duu ɔ.”

MAKI 14:67

A‑a Pita yen kɛn, ɛ a gbaa tena chɛ, a‑a a ma fɛn, mbɛ a ɔ, “I wɛɛ, i ni wan Chisɔsi fɛ, Nasaɛti mɔɛ chɛ.”

MAKI 6:3

Mbɛ an dɔ, “N bɔ, ka wɛ, kapinda gbama an nɛ. Mɛi 'a denɛ an nɛ. Nyɔn ma a dɔɛ n sɔn? Chimisi ni ma, ni Chosɛfi, ni Saimɔn, a basan Chudasi a. Mmɔ bɛ an mbe sɛ, mmɔ ɛ yii, mmɔ bɛ a tensa n na.” Chɛ‑a a ma wan, an nii ma an boo si ni a kɔɔ.

DUKU 18:37

Mbɛ mɔɛ n‑na a fɔ a ye, an dɔ, “Chisɔsi, an mbe ka ben tena, min ka‑a Nasaɛti duu ɔ.”

DUKU 2:4

Kamin chɛ min tɔ ni Chosɛfi, a na‑a bɔ Mansa Defidi 'a dambi ɔ wan. Chɛɛ a ni si ɔ Nasaɛti duu ɔ wan, Kadidi chɛnyɛ ɔ. Mbɛ a wɛɛ sɛ‑a wan Bɛtɛɛn duu ɔ, Chudia chɛnyɛ ɔ, a mu min na, Mansa Defidi suun‑da nɔ wan.

DUKU 2:48

A de n fea a fa a, an‑na a yen kɛn, an tɛnɛ‑a wan a a. Mbɛ a de ɔ, “N 'na den, fen mu i‑a nn tɔɔya ka? Nn mbe faagbaa wa an dɔ i ko a, nn‑na nn ya a kan fan i a, kan kɔ kan ka gbɛ, nn fea i fa a.”

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

DUKU 3:23

Chisɔsi‑a a kuu sɔ tima min na a 'a wai chɛ‑a, a sanɛ ni wan san bi sawa nyɔn sima. A fa tɔ ni Chosɛfi, yɔ a ni buɛ min dɔ mɔɛ n yii ma. Chosɛfi fa tɔ ni Edi,

DUKU 4:22

An gbɛɛ bun‑da bai ma kawaenɛ n fɔ‑a, a si Chisɔsi ma. A sin, an tɛnɛ‑a wan a a, a koɔ‑a buɛ min dɔ chɛndɛ chɛ. Chɛɛ an yɛ‑a wan, an‑na a fɔ, an dɔ te, “N bɔ, ka wɛ, Chosɛfi 'a denɛ an nɛ.”

CHƆN 1:44

Fiipi chɛ, a na‑a ka Besaida wan, duu chɛ, Anduu an fea Pita a, an baa a.

CHƆN 12:21

Mbɛ an mɔɛ chɛ nu, mbɛ an ta‑a Fiipi tena, min na‑a ka Besaida duu ɔ, Kadidi chɛnyɛ ɔ. Mbɛ an‑na a fɔ a ye, an dɔ, “Kai, nn toen mu nn ni Chisɔsi an yen ka.”

CHƆN 14:8

Mbɛ Fiipi ɔ, “Mansa, a ma nn ni i fa chɛ yen, mbɛ nn faa chima‑a.”

CHƆN 18:5

Mbɛ an dɔ, “Nn mbe nn ya a kan tena Chisɔsi an na, min ka‑a Nasaɛti duu ɔ.” Mbɛ a ɔ, “N yen ko.” A tima chɛ a, Chudasi, min ni ka a ma tachɛ‑a, chɛɛ ma nyɔnɛ n ma, ɛ nɔ sɔ ɔ, an bɛ an mɔɛ chɛ n na.

CHƆN 18:7

Mbɛ Chisɔsi‑a an dɔ tisa to, a ɔ, “Nyɔn gbu mu, wo e wo ya a kan tena min na?” Mbɛ an dɔ te to, “Chisɔsi, min ka‑a Nasaɛti duu ɔ.”

CHƆN 19:19

Mbɛ Kɔfana Padeti‑a a ma, bai kundu nyɛn‑da gbembe kundu ma, min gbangban‑da kɔn gbengbandenɛ chɛ ma. An bai kundu chɛ ɔ, “Chisɔsi an nɛ, min ka‑a Nasaɛti, Chu n 'na mansa.”

CHƆN 21:2

A fɛ den chɛ n fan ni nɔ. Saimɔn Pita, ni Tɔmɔsi, an ni min chee, Fɛn Kai, ni Natanɛɛ, min na‑a ka Kana, Kadidi chɛnyɛ ɔ, a basan kai Sɛbɛdi 'a denɛ kaima n na. Chisɔsi fɛ denɛ fea dɔ mende n ni wan to nɔ.

CHƆN 6:42

Chɛ‑a a ma wan, an dɔ, “Mɔna chɛ an nɛ, Chisɔsi, Chosɛfi 'a den chɛ. An ma chɛ a? Mmɔ‑a a fa sɔn fan, an fea a de a. Ɛ ma ka ma gbɛ, a ni a fɔ to mmɔ ye, mbɛ a ka‑a banda bu ɔ wan, a yii‑a nɛ?”

CHƆN 6:5

Chisɔsi‑a a ya a ta, mbɛ a‑a mɔ fanka wa chɛ yen, an mbe na‑a a tena. Chɛ ko a, mbɛ a ɔ Fiipi ma, a ɔ, “Mmɔ ɛ daun fenɛ san mende, min mbe kun mɔɛ chɛ n gbɛɛ ko a?”

CHƆN 6:7

Mbɛ Fiipi ɔ, “Min mbe a ma mɔ ɔ mɔ ni daun fenɛ sima daun, a kɔpɔɛ chɛ, ɛ ta wan kau sɛi pawa ɔ, daun fen chɛ san koe a.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 22:8

“Mbɛ n‑na a fɔ, n dɔ te, ‘Nyɔn mu chɛ a?’ “Mbɛ a ɔ te n ma, ‘N fan mu, n fan Chisɔsi, min ka‑a Nasaɛti duu ɔ, e ko ma gbaaenɛ sa tena ka min ma.’

CHISƆSI 'A SƆ MƆƐ NU 26:9

“N fandi gbu wɛɛ, n ni n yii na chii wan, ko kan kɔ kan ma koe a, min ni a ma, Chisɔsi tɔɛ ni fa, Nasaɛti mɔɛ chɛ.

CHISƆSI 'A SƆ MƆƐ NU 3:6

Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”