CHƆN 1:44 - Yataa 'a Dɔbɛnɛ Nama

⁴⁴ Fiipi chɛ, a na‑a ka Besaida wan, duu chɛ, Anduu an fea Pita a, an baa a.

CHƆN 1:44 ပူးပေါင်းရင်းမြစ်များ

MATIU 10:3

Fiipi ni Batɔɔmiu. Matiu, min ni pawa bia mɔɛ a, ni Tɔmɔsi. Chimisi, kai Afiɔsi 'a denɛ, ni Tadayɔsi.

MATIU 11:21

“Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.

MAKI 6:45

Mbɛ Chisɔsi fɛ denɛ nu, an ban‑da mɔɛ chɛ n da tɔɛ chɛ a sɔn‑da. A ya kɔɔɛ a, a‑a an na ta a ya ɔ. An ta‑a dɛndɛ ɔ, yii kaka dɔndɔɛ ma, a don Besaida duu ɔ. A wandi sin to‑a a saa‑a mɔ fanka chɛ n na, an ta koe a an baa nu.

MAKI 8:22

Mbɛ Chisɔsi na‑a Besaida duu ɔ, an bɛ a fɛ denɛ n na. Mɔɛ dɔ nu nɔ, an na‑a kaminɛ a, min fionden ni, Chisɔsi tena. Mbɛ an‑na a disa, tu koe a an kamin chɛ a.

DUKU 10:13

Chisɔsi ɔ, “Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.

DUKU 6:14

A na‑a a boo sɔ chɛ n fan ma: Saimɔn, ni a dɔɛ Anduu, Chimisi ni Chɔn, Fiipi, Batɔɔmiu, Matiu, Tɔmɔsi, Chimisi dɔndɔɛ, Saimɔn, Chudasi ni Chudasi Isikayɔti. Saimɔn saa saa, a‑a min ya, a‑a tɔ dɔ gbɛɛ be wan a ma a ɔ Pita. Chimisi fean bɔɛ fa tɔ ni Afiɔsi. Saimɔn dɔndɔɛ wɛɛ ni mɔɛ an na, min ni a 'a chɛnyɛ ma chɛɛ chɛ tena. Chudasi saa fa tɔ ni Chimisi. Chudasi Isikayɔti ni mɔɛ an na min danka‑a Chisɔsi ma tachɛ‑a.

DUKU 9:10

Mbɛ Chisɔsi 'a sɔ mɔɛ chɛ n yɛ‑a a tena, an si‑a ko ɔ ko ma, an‑na min ma, mbɛ an‑na a ɔ yian a a. A‑a an ya wan, an dechee, mbɛ an ta‑a duu dɔndɔ baima, min tɔ ni Besaida.

CHƆN 1:43

A banda ka dɔndɔɛ ma, mbɛ Chisɔsi‑a a yii na chii, mbɛ a‑a Kadidi chɛnyɛ ɔ chia bia. Mbɛ a‑a Fiipi yan, mbɛ a ɔ te a ma, a ɔ, “Na, i ni ma n fɛ denɛ a.”

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 1:46

Mbɛ Natanɛɛ ɔ, “Nasaɛti chɛ, fen kɔ fen mbe che wan bɔ‑a nɔ, min mbe ma tɔnɔnɛ a mɔ gbu tena?” Mbɛ Fiipi ɔ, “Na, i ni a yen.”

CHƆN 1:48

Natanɛɛ‑a a ɔ tisa, a ɔ, “I ma‑a ka ma, i‑a n sɔn?” Chisɔsi ɔ, “Fiki kɔn chɛ kɔɔ, n‑na i yen nɔ wan, Fiipi e na to i chee‑a.”

CHƆN 12:21

Mbɛ an mɔɛ chɛ nu, mbɛ an ta‑a Fiipi tena, min na‑a ka Besaida duu ɔ, Kadidi chɛnyɛ ɔ. Mbɛ an‑na a fɔ a ye, an dɔ, “Kai, nn toen mu nn ni Chisɔsi an yen ka.”

CHƆN 12:22

Mbɛ Fiipi ta‑a a ɔ yian Anduu a, mbɛ an fea chɛ ta‑a a ɔ yian Chisɔsi a, mɔɛ chɛ n‑na min fɔ.

CHƆN 6:5

Chisɔsi‑a a ya a ta, mbɛ a‑a mɔ fanka wa chɛ yen, an mbe na‑a a tena. Chɛ ko a, mbɛ a ɔ Fiipi ma, a ɔ, “Mmɔ ɛ daun fenɛ san mende, min mbe kun mɔɛ chɛ n gbɛɛ ko a?”

CHƆN 6:7

Mbɛ Fiipi ɔ, “Min mbe a ma mɔ ɔ mɔ ni daun fenɛ sima daun, a kɔpɔɛ chɛ, ɛ ta wan kau sɛi pawa ɔ, daun fen chɛ san koe a.”

CHISƆSI 'A SƆ MƆƐ NU 1:13

Mbɛ an don‑da kɛn duu gbu bu ɔ, an na sɔn‑da wan banda a chen dɔndɔ dumu ɔ, an yia ni min na nɔ banda a. Pita ni wan nɔ, an fea Chɔn na, ni Chimisi an fea Anduu a. Fiipi wɛɛ, an fea Tɔmɔsi a, ni Batɔɔmiu an fea Matiu a. A yɛ to, Chimisi dɔndɔɛ wɛɛ, kai Afiɔsi 'a denɛ ni wan nɔ, ni Saimɔn min ni a 'a chɛnyɛ ma chɛɛ chɛ tena, ni Chudasi dɔndɔɛ wɛɛ, kai Chimisi 'a denɛ.