CHƆN 1:41 - Yataa 'a Dɔbɛnɛ Nama

⁴¹ Anduu‑a koe min pɛn pɛn ma, a‑a a kɔɔɛ Saimɔn yan fan. Mbɛ a‑a a fɔ a ye, a ɔ, “Nn‑na mɔɛ chɛ yen, min mu kunka mansa a.” (Kiisi mɔɛ n dɔ, Chasi).

CHƆN 1:41 ပူးပေါင်းရင်းမြစ်များ

MATIU 1:23

“A yen ko, sunkun tɔngbɔɛ, min ma kai koe ɔ sɔn, ɛ na tena bu ma‑a, mbɛ a‑a den kainɛ suun. An mbe an den chɛ chee‑a wan, an dɔ, Imanuɛɛ,” min fasaien mu, Yataa ɛ mmɔ tɛ ɔ.

DUKU 2:17

An‑na den toa chɛ yen kɛn, an si‑a wan ko ɔ ko ma, mbɛ an‑na a ɔ yian mɔɛ chɛ n gbɛɛ a nɔ, maeka chɛ na‑a koe min fɔ an ye a si den chɛ ma.

DUKU 2:38

A tima dɔndɔ gbe chɛ kɔɔ, a wɛɛ‑a Chisɔsi n tan fan, an bɛ a woo n na. Mbɛ a bun‑da Yataa wai bɔ‑a. A‑a bai sa wan, a si den chɛ ma, mɔɛ chɛ n gbɛɛ tena, mɔɛ miin ni Chuusaɛn kun ka koe ma kɔn tena.

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 4:25

Mbɛ musu chɛ ɔ, “N‑na a ɔ sɔn fan, mbɛ Chasi, kunka mansa ɛ na tena wan. A sin mbe na‑a kɛn, ɛ ko ɔ ko ɔ yian‑da wan mmɔ a.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.