CHƆN 1:4 - Yataa 'a Dɔbɛnɛ Nama

⁴ A wan mbe fɔɛ chɛndɛ be. An fɔɛ chɛ, an mu manɛ a mɔ gbu ko a.

CHƆN 1:4 ပူးပေါင်းရင်းမြစ်များ

MATIU 4:16

Mɔɛ nu nɔ, pimbi pimbi ɔ, an‑na Yataa 'a bauncha manɛ yen gbɛ. Chɛ nu, saya pimbi ɔ, an‑na manɛ yen.”

DUKU 2:32

Manɛ mu a a, mɔɛ n gbɛɛ tena, miin ma i sɔn tee, an ni i sɔn. Ɛ a ma‑a wan, basɔmaya wa ni ma i 'a mɔɛ n ma, nn fan Isɔɛɛ mɔɛ nu.”

CHƆN 11:25

Mbɛ Chisɔsi ɔ te to a ma, “N fan mbe a ma, mɔɛ n mbe an kɔɔ sɔ, a ka saya ɔ, mbɛ n‑na a ma to, an‑na fɔɛ ma sɔn. An ni a fɔ mɔɛ ni fa wɛɛ, ɛ a tun fan ma koe a fɔɛ ɔ, ni a kai faen fan ni n na.

CHƆN 12:35

Mbɛ Chisɔsi ɔ an ma, a ɔ, “Manɛ chɛ ɛ ma‑a wan bɛ wo tɛ ɔ tima ɛnden ko a. Wo a a tun tachɛ chɛ koe a, manɛ ɛ wɛ nɔ tima min na, min mbe a ma, pimbi ee bun‑da wo ma. Ni mɔɛ a ma‑a tachɛ chɛ‑a pimbi pimbi ɔ, a ee a chen kɔɔ yen, a ta chia sɔn koe a.

CHƆN 12:46

N na‑a dunya chɛ ɔ, a ma koe a, mɔɛ n ni manɛ ma sɔn. Chɛ ɛ a ma‑a wan, mɔ ɔ mɔ min mbe a kai fa‑a n na, a ee ma‑a kaina ɔ pimbienɛ ɔ.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 3:19

Yataa ɛ a 'a kaa a tɛ ka wan mɔɛ n ma. Manɛ na‑a wan dunya chɛ ɔ, min mu tea a si Yataa ma. Chɛɛ mɔɛ n toen mu ma koe a an 'na ko yama n pimbi ɔ, an mbe e na ma man chɛ ɔ. Koe min na mu, an chɛ chɛ wai nu, an ma nyin.

CHƆN 5:21

N Fa, ɛ mɔɛ n kɔɔ sɔ wan, a ka saya ɔ, ɛ fɔɛ be an ma. A chia dɔndɔ gbe chɛ a mu, n bɛɛ, n mbe fɔɛ be‑a chɛ n ma, n toen mu n ni a be miin ma.

CHƆN 5:26

N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 9:5

N mbe tima min na dunya chɛ ɔ, n fan mu manɛ a dunya ko a.”

CHISƆSI 'A SƆ MƆƐ NU 26:23

mbɛ mmɔ kun ka mansa ɛ mɔnɛ ɔ bia wan. A yɛ to, a wan mbe ma‑a mɔɛ saa saa a, min mbe a kɔɔ sɔ‑a, a ka saya ɔ. A sin, a wan mbe manɛ yian‑da Chu mɔɛ n na, an bɛ chɛ n na, miin ma Chu mɔ a.”

GBOO SAA KƆYINDI KO A 15:45

A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

1 CHƆN 1:2

A wɛn tɔ mu ka Fɔɛ, a na‑a kɛn dunya chɛ ɔ, a ma na ni nun dɔ. Nn gbɛɛ, nn‑na a yen fan, nn sin mbe koe ɔ yian fan, a si a ma. Mbɛ nn‑na a wakoe ɔ yian wo a, a wɛn mu kuɔ fɔ Fɔɛ a. An fea ni mmɔ Fa Yataa a, a sin fan‑na a yian nn na.

1 CHƆN 5:11

Yataa‑a siiya chɛ ɔ te, mbɛ a‑a kuɔ fɔ fɔɛ be wan mmɔ ma. A sin, a ma ɛ sɔn a 'a denɛ Chisɔsi an na.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”