Mbɛ a‑a a a sɔ wan, mbɛ a‑a chia bia ta koe a a fa tan‑da. “Chɛɛ a to‑a pɔɔ wan, mbɛ a fa‑a a yen, mbɛ a ma chinchinɛ‑a a fa bia. Mbɛ a fa‑a bui sa a a, mbɛ a‑a a 'a denɛ tan. Mbɛ a bea‑a a kaa ɔ, mbɛ a‑a a kɔndɔn buɔdia wandi ɔ.
Chisɔsi che‑a kɛn an kaina chɛ, a‑a a ya a sɛ wan kɔn chɛ ɔ, mbɛ a‑a Sakayɔsi yen. Mbɛ a ɔ, “Sakayɔsi, a a gbandia, i ni puin, a mu min na, n mbe bi i wan 'na sondaya a.”
Mbɛ Mansa Chisɔsi‑a a ya a yɛ, mbɛ a‑a Pita ma fɛn. Mbɛ a puin‑da Pita yii ma, mbɛ Mansa Chisɔsi na‑a a fɔ wan a ye, a ɔ, “Pita, tɛ kɔnɛ e na to konchee‑a sayi chɛ ma, e kɔɔsa bia chɛ‑a wan gba sawa, mbɛ i ma n sɔn.”
Mbɛ a ɔ, “Wo na, wo ni nɔ yen.” A tima chɛ a, awa naanin bɔɛ ni gbɛ che an na, tee yiienɛ ma. Chɛ‑a a ma wan, an ta‑a kɛn an‑na a waa yen, an bɛ an na tee bea gbɛ nɔ.
Mbɛ an mɔɛ chɛ nu, mbɛ an ta‑a Fiipi tena, min na‑a ka Besaida duu ɔ, Kadidi chɛnyɛ ɔ. Mbɛ an‑na a fɔ a ye, an dɔ, “Kai, nn toen mu nn ni Chisɔsi an yen ka.”
Chisɔsi na‑a a ɔ sɔn fan chɛndɛ chɛ, an ni na tena koe miin gbɛɛ a ben‑da a a. Chɛ ko a, a wɛɛ ta‑a wan an ya ɔ, mbɛ a ɔ, “Wo e wo ya a kan tena nyɔn na?”
Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”
Mbɛ an na‑a Chɔn tena, an dɔ, “Kan mɔ, kaminɛ wɛɛ yen ko pan yii chɛ‑a mɔɛ n kunɛ ɔ, Yataa chia a. Mɔɛ n mbe nyɔndɔn tena wan gbɛ a tena. A to‑a wan i yii ma, wo fea ni kaminɛ min na Chɔdan yii kaka dɔndɔɛ ma, e min chee ka kunka mansa a, an kamin chɛ mu.”