CHƆN 1:34 - Yataa 'a Dɔbɛnɛ Nama

³⁴ A ɔ, “N‑na chɛ ɔ yen fan, a ma‑a,” a ɔ, “n sin mbe a fɔ tena gbɛ, mbɛ mɔɛ chɛ mu Yataa 'a denɛ an na.”

CHƆN 1:34 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

MATIU 27:40

an dɔ, “Wua. O, i wɛn‑na a fɔ, i ɔ, e Yataa 'a chenɛ te wan, mbɛ i‑a a sɔ tee sawa tɛ. Ni Yataa 'a denɛ mu i a, puin bɛ kɔn gbengbanden chɛ ma, mbɛ i‑a i wandi kun bɔ saya yuu chɛ ɔ.”

MATIU 27:43

A danden fan mu a a, mbɛ Yataa ɛ wan a fɛ tima ɔ tima ko a. Mbɛ Yataa ni a wan Chisɔsi baun bɛ sanche, sanche, ni a toen fan mu a a. Koe min na mu, a ɔ, Yataa 'a denɛ mu an na.”

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

MATIU 4:6

Mbɛ a‑a a fɔ a ma, a ɔ, “Ni Yataa 'a denɛ gbu mu i a, tin bɛ duu ma. Koe min na mu, Yataa 'a gboo ɔ te, a ɔ, ‘Yataa ɛ a fɔ‑a wan a 'a maeka n ye, an ni i kun ma fɛn chɛndɛ chɛ. A ɔ, an mbe an boo si‑a wan i kɔɔ, min mbe a ma‑a, i chenɛ wɛɛ ee tu‑a senɛ a.’ ”

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 1:1

Sakana bai chɛndɛ kuu sɔɛ an nɛ, a si Chisɔsi Chasi ma, Yataa 'a denɛ.

MAKI 1:11

Mbɛ kuiɛ a min‑da gbankon, a ka banda bu ɔ. A ɔ, “I mu n 'na denɛ an na, min ko a di n ye kaka. N faa chimaen mu i ko a.”

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 10:30

Nn fea Fa a, mɔ dɔndɔɛ mu nn na.”

CHƆN 10:36

N tana, Fa an‑na n ya, a‑a n sɔ dunya chɛ ɔ. Chɛ an‑na a fɔ, wo ee kun, wo ni kunɛ si n kun ma, baa bɔ koe a a ma. Koe min na mu, n‑na a fɔ, n dɔ, a 'a denɛ mu n na.

CHƆN 11:27

Mbɛ a ɔ, “A ɛ ka wan, mansa. N danden fan mu a a, mbɛ i wan mu kunka mansa a, Yataa 'a denɛ. Yataa na‑a i wan na koe fɔ dunya chɛ ɔ.”

CHƆN 19:7

Chɛɛ mɔ fanka chɛ ɔ, “Nn 'na sawa ɛ wan nɔ, min‑na a fɔ, mbɛ mɔna chɛ ɛ fa wan. Koe min na mu, a ɔ, Yataa 'a denɛ mu a a.”

CHƆN 20:28

Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 6:69

A sin yen ko gbɛ, nn‑na a ɔ sɔn, a sin, nn dan‑da a a, mbɛ i wan mu mɔɛ a tenchen Yataa 'a wai chɛ koe a, a‑a min sɔ.”

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

GBOO FEAN BƆƐ KƆYINDI KO A 1:19

Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

GBOO IBU MƆƐ N KO A 7:3

A fa ee, a de ee, mɔ sin mbe ee che a fɔ‑a, mbɛ a bɔ kɔnkɔɛ an nɛ. Mɔ ɔ mɔ ma a fɔɛ kuu sɔ tena sɔn, mɔ ma a fɔɛ a ban tena sɔn. Chɛɛ a bɔen mu Yataa 'a denɛ an na, ɛ ma‑a wan tɛ mɔɛ a, kuɔ fɔ ko a.

1 CHƆN 2:23

Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

1 CHƆN 4:9

Yataa 'a koadia, a na‑a a ɔ yian ka wan mmɔ a. A na‑a a 'a den dɔndɔ gbe a na wan dunya chɛ ɔ, min mbe a ma, mmɔ ni kuɔ fɔ fɔɛ ma sɔn.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.

KO Ɔ NUNDENƐ 2:18

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Tiyatiya duu ɔ. A ɔ, “N fan, mɔɛ chɛ, n fɛn mu Yataa 'a denɛ a,” a ɔ, “n fɛn ya ɛ yɔ sanku manɛ, n chenɛ ɛ man‑da taun, yɔ kundu min bɔ‑a faa ta ɔ,” a ɔ, “n 'na sakana an nɛ.”