CHƆN 1:19 - Yataa 'a Dɔbɛnɛ Nama

¹⁹ Mbɛ Chu mɔɛ nu Chuusaɛn duu ɔ, an ya ɔ sɔɛ nu, an‑na mɔɛ dɔ n sɔ wan Chɔn tena. An tɛ mɔɛ nu Yataa a, a basan mɔɛ n na, miin bɛɛ bɔ‑a Difai 'a dambi ɔ, an‑na an sɔ wan. An dɔ, an ni Chɔn dɔ tisa, ni mɔɛ minan sima mu a a. Chɔn na‑a chɛ an fɔ an ye.

CHƆN 1:19 ပူးပေါင်းရင်းမြစ်များ

CHƆN 1:7

An Chɔn chɛ na‑a, a ni man chɛ wakoe ɔ yian mɔɛ n na, min mbe a ma, mɔ ɔ mɔ ni an sakana bai chɛ a min, an sin ni dan a a.

CHƆN 10:24

Mbɛ Chu mɔɛ n na sɔn sɔn‑da a 'a tindanɛ. Mbɛ an dɔ, “I ma a ma nn ni ma kɔndɔfii ɔ tima ɔ tima ko a, a si i wakoe ma. A ma gbu nn ni a ɔ sɔn, tea chɛndɛ chɛndɛ ko a, ni i wan mu kunka mansa chɛ a.”

CHƆN 10:31

Mbɛ Chu mɔɛ chɛ nu, an‑na senɛ ya to, a bon koe a fasa.

CHƆN 11:19

Chɛ na‑a a ma wan, mɔ sɛsɛ ka‑a Chudia, an na‑a Mata sɛbɔ‑a, an fea Mɛi a, a si an tensa kai a saya ma.

CHƆN 2:18

Mbɛ Chu mɔɛ nu, an ya ɔ sɔɛ nu, an sɔ‑a a kanɛ ɔ. An dɔ, “I‑a koe min ma ka, nn ma a ɔ sɔn ni a gbasaya chɛ ɛ wan i boo ɔ, a ma koe a. E kamaya koe minan ma‑a, a ɔ yian koe a, mbɛ a gbasaya chɛ ɛ wan i boo ɔ?”

CHƆN 2:20

Mbɛ an dɔ, “I ta yiima ɔ, i‑a a sɔ‑a ka ma tee sawa kɔɔ? San bi naanin, kun ma wɔdɔɛ da faenɛ ɛ gban, an‑na an ya wɛ, a sɔ koe a.”

CHƆN 5:10

Chɛ‑a a ma wan, Chu mɔɛ n ya ɔ sɔɛ nu, an‑na a fɔ kamin chɛ ye, an dɔ, “Suin tee mu bi a, a sin, mmɔ 'a sawa ma dɔn ni a ma, i ni ma ka ben ben‑da i 'a waa a.”

CHƆN 5:15

Mbɛ kamin chɛ ka‑a nɔ, a ta‑a, mbɛ a‑a Chu mɔɛ n ya ɔ sɔɛ chɛ n tan. A‑a a ɔ yian an na, mbɛ Chisɔsi an na‑a a baun gbandi chɛ ɔ.

CHƆN 5:16

Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 5:18

A 'a bai chɛ, a gbu‑a a ma gbɛ, Chu n ya ɔ sɔɛ chɛ n‑na an faa a kɔɔ gbɛ chɛndɛ chɛ, a fa koe a. An ma yiinachii chɛ chɛ ni, an 'na sawa chɛ dechee an yɔn koe ko a. Chɛɛ a‑a a fɔɛ min chɛ ka, mbɛ a fa an nɛ Yataa a. Mbɛ a chia chɛ a, a‑a a wandi ya wan ka, mbɛ an fea Yataa a, an na kanden fan mu.

CHƆN 6:41

Mbɛ mɔɛ chɛ n bun‑da gbonyɛ‑a an nyɔn tɛ ɔ, a si a ma. An dɔ, fen mu ɛ a fɔ, a ɔ, a wan mu daun fenɛ chɛ a, Yataa na‑a min na yii a ka banda bu ɔ.

CHƆN 6:52

Chɛ ko a, mbɛ mɔɛ chɛ n bun‑da kɔɔsa bia wa chɛ‑a an nyɔn tɛ ɔ, an dɔ, “Mɔna chɛ ɛ kun ka ma, a ni a gboo be koe fɔ mmɔ ma, a daun koe a?”

CHƆN 7:1

Chɛ gbakɔ, mbɛ Chisɔsi ben ben‑da Kadidi chɛnyɛ ɔ. A nii ma to ni, a ni gbɛn Chudia chɛnyɛ ɔ ma ɛnden bɛɛ a. A mu min na, Chu n ya ɔ sɔɛ nu nɔ, an ma bɛnden fan ni a fa koe a.

CHƆN 7:11

Chu mɔɛ n ya ɔ sɔɛ chɛ nu, an ni wan ben‑da an ya a kan‑da a a, bɛn chɛ ɔ. An dɔ, “An mɔna chɛ ɛ mende?”

CHƆN 7:15

Chu mɔɛ n ya ɔ sɔɛ chɛ nu, an da ɔ gbaa‑a wan kaka. Mbɛ an dɔ, “Mɔna chɛ ɛ ma ka ma, a ni koe sɔn buɛ chɛ ɔ, a nii kɛn mɔ kɔɔ kandencha a?”

CHƆN 8:22

Mbɛ Chu mɔɛ chɛ n dɔ, “Mɔna chɛ yii e na ma ta‑a a wandi fa koe an dɔ? A yen ko, a ɛ a fɔ‑a, a ɔ, a ɛ ta‑a kaina min, mmɔ ee kun‑da mmɔ ni ta nɔ.”

CHƆN 8:48

Mbɛ Chu mɔɛ chɛ n dɔ Chisɔsi ma, an dɔ, “I‑a a ɔ yen gbɛ, mbɛ nn‑na min fɔ, nn teaen fan mu. Nn‑na a fɔ wan, mbɛ Samayia mɔɛ mu i a, a sin, nyina yama an mbe i fɛ.”

CHƆN 8:52

Mbɛ Chu mɔɛ chɛ n dɔ, “Nn‑na a ɔ sɔn gbɛ tea a, mbɛ nyina yama an mbe i fɛ. Ebeami wɛɛ gbu fa‑a wan, mbɛ Yataa 'a gbonka chɛ mɔɛ n bɛɛ fa‑a. Chɛɛ i tana, i ɔ, mɔ ɔ mɔ‑a a boo si kan chɛ kɔɔ, e min chɛ tena, a ee fa‑a kuɔ fɔ ko a.

CHƆN 8:57

Mbɛ an dɔ, “Chɛɛ i gbu suun sanɛ ni san bi duu bɔ pɛn, e na to Ebeami yen koe fɔ‑a.”

CHISƆSI 'A SƆ MƆƐ NU 13:25

A sin, Chɔn ni kɛn gbɛ a 'a wai a ban tena dunya chɛ ɔ, a‑a a fɔ wan, a ɔ, ‘Ɛ wo yii ma, mbɛ nyɔn mu n na? N fan ma mɔɛ chɛ a, wo yii na chiien mu min na. Chɛɛ wo wo too ma sɔ, a ɛ na tena n gbaa chia a. Kɔɔwa gbu wɛɛ a chenɛ a, n mbe ee che a yuu wɛɛ fuin koe a.’

CHISƆSI 'A SƆ MƆƐ NU 19:4

Mbɛ Pɔɔ ɔ, “Chɔn ni yii min chɛ mɔɛ n kunɛ ɔ, Yataa chia a, a sien ni mɔɛ n kan kɔ sɔɛ koe an na, an 'na ko yama n na. A ni a fɔ wan to mɔɛ n ye, mbɛ an ni an kai fa mɔɛ chɛ a, min mbe na tena a gbaa chia a. A wan Chɔn chɛ sin, a ni ka bai sa‑a a si Chisɔsi an ma.”

1 CHƆN 1:5

Nn‑na sakana bai chɛ an na min a a, nn mbe ka min dɔ yian‑da wo a, mbɛ Yataa mu manɛ an na. Ko kan kɔ kan mbe ee an tɛ, an fea pimbi a.