CHƆN 1:14 - Yataa 'a Dɔbɛnɛ Nama

¹⁴ An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:14 ပူးပေါင်းရင်းမြစ်များ

MATIU 1:16

Chekɔpi an‑na Chosɛfi suun, min 'na musu ni Mɛi a, min na‑a Chisɔsi suun, an mbe min chee, an dɔ, Chasi, kunka mansa.

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 2:7

Mbɛ a‑a a saa denɛ suun, den kainɛ. A‑a koa n mɔndɔ mɔndɔ a, mbɛ a‑a a sa fenɛ ɔ, an ni daun fenɛ be min dɔ sɔ fenɛ n ma. Chɛ ma‑a koe min na, sa tena kan kɔ kan nii nɔ sonda yia chenɛ a.

DUKU 9:32

Chɛ gbɛɛ ɛ ma‑a, Pita ni chinɔɛ ɔ wan, an bɛ a bɔɛ n na. Chɛɛ an tima chɛ a gbɛ, an kunɛ‑a wan, mbɛ an‑na man ba dɛgbɛ chɛ yen fan Chisɔsi a tindanɛ, a basan mɔ fea chɛ n na, an bɛ ni sɔ ɔ miin na.

CHƆN 1:1

Dunya e na to a kuu sɔ‑a, an mbe mɔɛ min chee, an dɔ, Bai, a ni wan gbɛ nɔ. An fea ni Yataa a, a wɛɛ ni Yataa an na.

CHƆN 11:40

Chɛɛ Chisɔsi wɛɛ ɔ, “N na‑a a fɔ wan i ye, mbɛ ni i‑a i kai fa n na, e a ɔ yen‑da wan, Yataa ɛ kamaya koe miin ma.”

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 14:9

Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?

CHƆN 17:22

N‑na a ma an bɛɛ‑a basɔmaya ma sɔn, i na‑a basɔmaya min be n ma. N‑na chɛ ma, min mbe a ma, an ni ma mɔ dɔndɔya ɔ an nyɔn na, yɔ mɔ fea ɛ buɛ min dɔ.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 18:37

Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 2:11

Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 3:18

Mɔ ɔ mɔ min mbe a kai fa‑a a 'a Den chɛ a, Yataa ee kaa a tɛ‑a a wakoe ma, a ni tɔɔ. Chɛɛ mɔ ɔ mɔ min ma a kai fa ni a a, kaa a bandenɛ mu tɛ‑a a wakoe ma, a tɔɔ koe a, a mu min na, a ma a kai fa ni Yataa 'a Den dɔndɔ gbe a.

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

CHƆN 8:32

Wo e tea ɔ gbɛ‑a wan, a si Yataa ma, a sin fan mbe a ma‑a, wo kunɛ ni bɔ yɔncha ɔ.”

CHISƆSI 'A SƆ MƆƐ NU 13:33

a‑a an chɛ ka mmɔ ye, mmɔ wɛn mu an cheeya n na. Koe min na mu, a‑a Chisɔsi kɔɔ sɔ wan, a ka saya ɔ. A‑a chɛ ma wan, yɔ a nyɛnden mu buɛ min dɔ si fean bɔɛ chɛ ɔ, Yataa tando si gboo ɔ. A‑a a fɔ wan a ɔ, a ɔ, ‘N 'na denɛ mu i a. N ma‑a i fa a bi.’

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

GBOO SAA KƆYINDI KO A 15:47

Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.

GBOO FEAN BƆƐ KƆYINDI KO A 12:9

Chɛɛ a‑a a fɔ wan n ye, a ɔ, “N 'na koadia demanɛ, a‑a a kun i ko a. Koe min na mu, tima min na ee kun ko ma, n 'na gbasaya danka ee a tima chɛ a.” Chɛ an fɛ mu, n bu ɔ di yonka tɛ koe a kaka, a si gbasaya ma min mbe ee n boo ɔ, min mbe a ma, Chisɔsi 'a gbasaya ni ma n kun ma.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

Gboo Kɔdɔsai Ko A 2:3

Chasi an mu mɔɛ a, min mbe a ma, mɔ gbu ni Yataa 'a yiimatɛ gbɛɛ ɔ gbɛ, min maen mu yɔ nyan fenɛ min nundenɛ ɛ.

Gboo Kɔdɔsai Ko A 2:9

Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 1:5

Koe min na mu, Yataa na‑a min fɔ a 'a denɛ ye, a nii ma a nyɔn fɔ ni maeka kan kɔ kan ye. A‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.” Chɛɛ a nii ma a fɔ ni a 'a gboo ɔ, maeka kan kɔ kan ma, a ɔ, “N mbe ma‑a wan i fa a, mbɛ i wɛɛ ma‑a n 'na denɛ a.”

GBOO IBU MƆƐ N KO A 10:5

Chɛ an fɛ ni, Chasi na‑a tima min na dunya chɛ ɔ, a na‑a a fɔ wan, a ɔ, “Yasi n bɛ mɔɛ n boo fenɛ n na, i wan Yataa ma to ni an fan na. Chɛɛ mɔ gbu gboo, i‑a a be n ma.

GBOO IBU MƆƐ N KO A 2:11

Koe min na mu, Chisɔsi ni ma, ni mɔɛ chɛ nu, a 'a gbasaya ɛ a ma, miin mbe ma tenchen Yataa ko a, an fa ɛ dɔndɔ gbe. Chɛ an fɛ mu, Chisɔsi ee mau an chee koe a, a suun ma nyɔɛ n na.

GBOO IBU MƆƐ N KO A 5:5

A chia dɔndɔ gbe chɛ a, Chasi gbu wɛɛ, a nii ma a wandi ya ni tɛ mɔ wa a, mɔ gbu n tɛ, an bɛ Yataa a. Chɛɛ Yataa wandi, an na‑a a boo sɔ a ma. Yataa na‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.”

1 CHƆN 4:14

A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

1 CHƆN 4:9

Yataa 'a koadia, a na‑a a ɔ yian ka wan mmɔ a. A na‑a a 'a den dɔndɔ gbe a na wan dunya chɛ ɔ, min mbe a ma, mmɔ ni kuɔ fɔ fɔɛ ma sɔn.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.

KO Ɔ NUNDENƐ 19:13

Mbɛ a yɛ to, doma kai min ni a ma, a chimaenɛ ni wii a dɔgbɔ dɔgbɔ. A mɔɛ chɛ sin tɔ mu, Yataa Da 'a Bai.

KO Ɔ NUNDENƐ 21:3

A sin, n‑na mɔɛ kuiɛ a min fan gbankon, a ka mansa sea chɛ tena, a ɔ, “A yen ko, Yataa waa ɛ ma tena gbɛ mɔ gbu n tɛ ɔ wan. An bɛ an mbe ma tena gbɛ an na, an sin mbe ma‑a a 'a mɔɛ n fan na. A wan Yataa wandi, ɛ ma‑a wan an tɛ ɔ, an mbe ma‑a an 'na Yataa a.