CHƆN 1:11 - Yataa 'a Dɔbɛnɛ Nama

¹¹ A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHƆN 1:11 ပူးပေါင်းရင်းမြစ်များ

MATIU 15:24

Mbɛ Chisɔsi‑a a fɔ musu chɛ ye, a ɔ, “Yataa‑a n sɔ Chu mɔɛ n fan ko a dechee, an fan mbe yɔ sa nu miin toenɛ a ɔ. Chɛɛ a ma n sɔ ni mɔ dɔ gbɛɛ n tena.”

DUKU 19:14

Chɛɛ a 'a chɛnyɛ ɔ mɔɛ n nii ma to ni a a. Chɛ an‑na a fɔ, kɛn a‑a chia bia ta koe a, an‑na mɔɛ n sɔ wan a san‑da chɛnyɛ chɛ ɔ. An dɔ, an ni a fɔ kun ti wa chɛ ye, mbɛ an ma to ni mansa den chɛ a, a ni ma an 'na mansa a.

CHƆN 1:10

Bai chɛ ni wan dunya ɔ, a‑a dunya min na dan ka. Chɛ gbɛɛ ɔ, mɔɛ n nii ma a sɔn ni a buɛ chɛ ɔ.

CHƆN 1:12

Chɛɛ mɔɛ n‑na an boo si wan a kɔɔ, miin‑na an kai fa a a. Chɛ ko a, an mɔɛ chɛ nu, a‑a gbasaya be wan an ma, ma koe a Yataa 'a denɛ n na.

CHƆN 19:27

Mbɛ a ɔ an fɛ den chɛ wɛɛ ma, a ɔ, “N bɔ, i de an nɛ gbɛ.” A sin, a ka gbɛ a tima chɛ ma, aan a ta, an fɛ den chɛ ta‑a bɔɔɛ chɛ a a waa a, a‑a a bia yɔ a de.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 21:6

Nn ban‑da kɛn nn saa nn nyɔn na, mbɛ nn sɛ‑a dɛndɛ gbu ɔ, an sin yɛ‑a an baa a.

GBOO DOMI KO A 15:8

A ni ma wo yii ma, mbɛ Chisɔsi Chasi na‑a na dunya chɛ ɔ, ma koe an na yɔnɛ a Chu mɔɛ n ko a. A na‑a chɛ ma, koe an dɔ yian koe an na, mbɛ Yataa tanden mu. An ni a ɔ yen, Yataa na‑a tooɔdia min chɛ an bemba n ta bemba n na, a ni bɔ a a.

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.