CHƆN 1:10 - Yataa 'a Dɔbɛnɛ Nama

¹⁰ Bai chɛ ni wan dunya ɔ, a‑a dunya min na dan ka. Chɛ gbɛɛ ɔ, mɔɛ n nii ma a sɔn ni a buɛ chɛ ɔ.

CHƆN 1:10 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

CHƆN 1:11

A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 1:3

Bai chɛ an‑na fen kɔ fen na dan. Yataa ma a ma ni, fen kɔ fen min na dan‑da, a a ni dan a gbaa.

CHƆN 1:5

Man chɛ ɛ manɛ be tena wan tun pimbi pimbi ɔ. A sin, pimbi ee che kuɔ fɔ a ma‑a, a ni sɛmbɛ man koe a.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHISƆSI 'A SƆ MƆƐ NU 14:17

Chɛɛ tima ɔ tima ko a, ɛ a ɔ yian tena wan gbɛ wo a, mbɛ ɛ wan wo tɛ ɔ. Koe min na mu, ɛ wan wai chɛndɛ chɛ‑a wo tɛ ɔ, tee ɔ tee a. Ɛ a ma tena wan, sona ɛ chɛ a ka banda a, mbɛ wo 'a chin fenɛ n nyan‑da a tima ma. Ɛ daun fenɛ be wan wo ma, mbɛ a‑a wo faa bu ɔ dia, a ɔ bendenɛ a.”

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

GBOO SAA KƆYINDI KO A 2:8

Yiimatɛ an nɛ, min nii an mɔɛ chɛ n dɔndɔ wɛɛ ɔ, mɔɛ chɛ n gbɛɛ, gbasaya ɛ miin boo ɔ dunya chɛ ɔ. Koe min na mu, a ni ma‑a an dɔ, an nii Mansa Chisɔsi fa‑a kɔn gbengbandenɛ ma, a wɛn mbe si ɔ a 'a gbasaya ɔ.

GBOO SAA KƆYINDI KO A 8:6

Chɛɛ chɛ gbɛɛ ɔ, Yataa ɛ dɔndɔ gbe mmɔ ko a. An mu mmɔ Fa a, min‑na fen kɔ fen na dan dunya ɔ. An 'na fɔɛ ɛ mmɔ sun da a. Mmɔ 'a Mansa wɛɛ, ɛ dɔndɔ gbe, min mu Chisɔsi Chasi a. Yataa 'a gbasaya ben‑da an dɔ, fen fen na dan koe a dunya chɛ ɔ. A sin fan‑na a ma, mmɔ ɛ fɔɛ chɛ ɔ, mmɔ ɛ ka min na fɛ‑a.

Gboo Kɔdɔsai Ko A 1:16

Yataa‑a a gbu ma, fenɛ tɔɛ gbɛɛ n na dan‑da, banda bu ɔ ni dunya chɛ ɔ, Chasi chɛ an boo ɔ. Mmɔ ɛ fenɛ miin yen, ni mmɔ ee miin yen. A yɛ to, nyina yama n ya ɔ sɔɛ wɛɛ, ni maeka n ya ɔ sɔɛ. Fen kɔ fen, an na dan‑da Chisɔsi boo ɔ wan, a sin fan ko a mu.

GBOO IBU MƆƐ N KO A 11:3

Kaifa Yataa a, an na‑a a ma, mmɔ‑a a ɔ sɔn, mbɛ a da a bai ɔ mu dechee, dunya gbɛɛ a dan‑da. Chɛ ni a ɔ yian, mbɛ mmɔ ɛ fenɛ miin yen ka sanche, an ma bɔ ni fen kɔ fen dɔ, mɔɛ ɛ miin yen.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.