CHƆN 1:1 - Yataa 'a Dɔbɛnɛ Nama

¹ Dunya e na to a kuu sɔ‑a, an mbe mɔɛ min chee, an dɔ, Bai, a ni wan gbɛ nɔ. An fea ni Yataa a, a wɛɛ ni Yataa an na.

CHƆN 1:1 ပူးပေါင်းရင်းမြစ်များ

MATIU 1:23

“A yen ko, sunkun tɔngbɔɛ, min ma kai koe ɔ sɔn, ɛ na tena bu ma‑a, mbɛ a‑a den kainɛ suun. An mbe an den chɛ chee‑a wan, an dɔ, Imanuɛɛ,” min fasaien mu, Yataa ɛ mmɔ tɛ ɔ.

DUKU 24:53

An ni wan Yataa 'a kata ɔ, an mbe tando be‑a Yataa ma tima ɔ tima ko a.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 1:2

Bai chɛ ni wan gbɛ nɔ, an fea Yataa a, a ka a tima chɛ ma.

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 20:28

Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

Gboo Ɛfisɔsi Ko A 3:9

A sin, n ni a ma to, mbɛ mɔɛ n gbɛɛ ni koe ɔ gbɛ, a si koe chɛ ma, Yataa‑a min dɔ nun kɛn a‑a dunya a dan suun tima min na.

Gboo Fiipai Ko A 2:6

A maen nin bɛɛ chia ɔ chia a yɔ Yataa, chɛɛ a nii ma butuin chɛ ni podon, min mbe a ma, an na kandenɛ ni ma tun, an fea Yataa a.

Gboo Kɔdɔsai Ko A 1:15

Mmɔ ee Yataa min yen, a bɔ nyɔɛ chɛndɛ chɛndɛ, mɔ gbu na‑a min yen, a mu Chisɔsi Chasi an na. Yataa 'a denɛ mu an na, a sin, gbasaya ɛ wan a boo ɔ fen kɔ fen kun ma, min na dan‑da dunya chɛ ɔ.

Gboo Kɔdɔsai Ko A 1:17

Chasi ni pɛn fɔɛ ɔ, fen kɔ fen ya ɔ, a sin fan‑na a ma, fen kɔ fen mbe kun dɔndɔɛ kɔɔ, a yɛ to, an mbe wai chɛ kuiɛ dɔndɔya ɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 13:8

Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.

GBOO IBU MƆƐ N KO A 7:3

A fa ee, a de ee, mɔ sin mbe ee che a fɔ‑a, mbɛ a bɔ kɔnkɔɛ an nɛ. Mɔ ɔ mɔ ma a fɔɛ kuu sɔ tena sɔn, mɔ ma a fɔɛ a ban tena sɔn. Chɛɛ a bɔen mu Yataa 'a denɛ an na, ɛ ma‑a wan tɛ mɔɛ a, kuɔ fɔ ko a.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 1:2

Chɔn chɛ koɔ‑a wan den, a si koe chɛ n gbɛɛ ma, maeka chɛ‑a miin yian a a, a si Yataa da a bai ma, a basan Chisɔsi Chasi 'a siiya a.

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 19:13

Mbɛ a yɛ to, doma kai min ni a ma, a chimaenɛ ni wii a dɔgbɔ dɔgbɔ. A mɔɛ chɛ sin tɔ mu, Yataa Da 'a Bai.

KO Ɔ NUNDENƐ 2:8

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”

KO Ɔ NUNDENƐ 21:6

Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 22:13

N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”