CHIMISI 5:9 - Yataa 'a Dɔbɛnɛ Nama

⁹ N suun ma nyɔɛ nu, wo ma gbonyɛ wo nyɔn na. Wo ma chɛ ma, Yataa wɛɛ ma na kaa a tɛ, a si wo ma. A yen ko, kaa a tɛ mɔɛ gbu ɛ sɔ ɔ chenɛ da a.

CHIMISI 5:9 ပူးပေါင်းရင်းမြစ်များ

MATIU 24:33

A chia dɔndɔ gbe chɛ a mu, ni wo‑a koe chɛ n yen ma‑a, a ni ma wo yii ma, mbɛ tima ɔ ma yansan to, n na koe a.

MAKI 13:29

A chia dɔndɔ gbe chɛ a, ni wo‑a koe chɛ n yen ma‑a, a ni ma wo yii ma, mbɛ tima ɔ ma yansan to, n na koe a.

MAKI 6:19

Chɛ ko a, Chɔn ko don‑da wan Ɛdɔdiyasi ma kaka, a sin, a toen ni an ni Chɔn fa. Chɛɛ Mansa Ɛdɔdi an na‑a a ma, a nii kun Chɔn fa koe a.

GBOO SAA KƆYINDI KO A 10:11

Koe chɛ gbɛɛ miin ma‑a ka, an‑na a ɔ yian fan, koe min mbe ma mɔɛ a, ni i wɛɛ i‑a ko dɔndɔ gbe chɛ an ma, mɔɛ chɛ n‑na miin ma. Chɛ an‑na a fɔ, mɔɛ n‑na a nyɛn Yataa 'a gboo ɔ, ma koe a dasi a mmɔ ko a. A mu min na, mmɔ ɛ ka tee min kɔɔ, a ɔ ma yansan to mbɛ dunya ban‑da.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

GBOO FEAN BƆƐ KƆYINDI KO A 9:7

Mɔ ɔ mɔ yiima, ɛ min fɔ a ye, a be koe a, a ni an be. A ma a gbɔɔ a be‑a, a sin ma din a ma a be koe a. Koe min na mu, Yataa toen mu mɔɛ a, min mbe ma fenɛ be‑a, a bu ɔ diama ɛ.

Gboo Kadesia Ko A 5:14

Koe min na mu, Yataa‑a sawa miin gbɛɛ be Mosisi ma, a kun tɛen mu bai dɔndɔ gbe an na. A ɔ, “Wo to wo 'a mɔɛ n na, yɔ wo toen mu buɛ min dɔ wo wandi a.”

Gboo Kadesia Ko A 5:26

Mmɔ ma yonka tɛ, mmɔ sin ma sɛ mmɔ nyɔn faa ma, mmɔ sin ma toomaya bɔ mmɔ nyɔn na.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.

CHIMISI 4:12

Mɔ ɔ mɔ ma i a, kaa a tɛ koe a mɔ dɔ mende n ma. Yataa dɔndɔ gbe an‑na sawa be, a sin fan mbe kaa a tɛ. A dɔndɔ gbe an mbe baunɛ chɛ, an mbe kasaa wɛɛ chɛ.

CHIMISI 5:10

N suun ma nyɔɛ nu Chasi ɔ, faabia ko yawaen dɔ bia ɔ, a tɔmɔsi dɔndɔ yen ko. A mu Yataa 'a gbonka chɛ mɔɛ chɛ n fan na, miin ni bai sa, Mansa Yataa tɔɛ ɔ.

CHIMISI 5:7

N suun ma nyɔɛ nu Chasi ɔ, wo ma faabia ɔ, wo e ta‑a mmɔ 'a mansa Chisɔsi Chasi yɛ tima ma kɔn‑da dunya chɛ ɔ. Wo a ɔ yen bɛ sɛnɛ sa mɔɛ ɛ faabia min chɛ, sama ma kɔnɛ a, sona ni chɛ. Ɛ a faa bia wan aan, tima ma kɔnɛ a, a 'a chin fen nyima ni che a ya tena.

1 PITA 4:5

Chɛɛ an‑na koe miin gbɛɛ ma, an mbe a ɔ yian‑da wan Yataa chen kɔɔ. A ma bɛndenɛ mu gbɛ kaa a tɛ koe a fuɛ n ma, an bɛ chɛndɛ ba an na.

1 PITA 4:9

Ni wo bɔɛ n na‑a wo 'a chenɛ n na, sondaya a, wo ma gbonyɛ wo boo n si koe a an kɔɔ. An bɛɛ ni a ma ka wo ko a.

KO Ɔ NUNDENƐ 3:20

A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.