Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHIMISI 5:6 - Yataa 'a Dɔbɛnɛ Nama

6 Wo‑a kaa a tɛ, wo‑a mɔɛ chɛ n fa, miin ma ko ɔ ko ma ni. An sin nii ma sɔ ni wo a, wo ni an fa tena tima min na.

အခန်းကိုကြည့်ပါ။ ကော်ပီ




CHIMISI 5:6
24 ပူးပေါင်းရင်းမြစ်များ  

Chɛɛ yadi kun ma fɛn mɔɛ chɛ n‑na a wɛɛ yen kɛn, an‑na a fɔ wan an nyɔn tɛ ɔ, an dɔ, ‘Yadi ti chɛ 'a denɛ wandi gbu an nɛ. Mmɔ a fa, min mbe a ma, boo fen chɛ gbɛɛ ni ma mmɔ ta a.’


Chɛɛ Chu n tɛ mɔɛ nu Yataa a, an 'na mansa n yiima ni dama, an bɛ Chu gbakoo n na. An don‑da wan fanka chɛ ɔ, min mbe a ma, an ni Kɔfana Padeti ɔ tisa, a ni a boo ka Baabasi a, an ni Chisɔsi be a fa koe a.


Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi.


Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.


Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.


A ni ka kaina min kan‑da Yataa 'a gboo chɛ ɔ, an nii nɛ: “An ta‑a wan a a, a fa koe a yɔ sa, A yɛ to, bai ɔ bai ma bɔ ni a da a. yɔ sa tɔngbɔɛ ma maun buɛ, ni an ma‑a a ti tɛ‑a a a.


A ɔ te to, “N 'na mɔɛ min mbe a kai fa‑a n na, n mbe an ya mɔ tandenɛ a, a sin fan mbe kuɔ fɔ fɔɛ ma sɔn. Chɛɛ ni min kɔ min‑na a kan kɔ sɔ n na, n bu ɔ ee dia‑a a mɔɛ chɛ a.”


Chɛɛ chɛ gbɛɛ ɔ, wo e tɛndɔya koe n ma wan yɔn tɔɛ n na. Min mu ka, nyan tɔɛ chɛ nu, an fan mbe wo konkon, an mbe ta wo a kuti ɔ.


Wo toen mu fenɛ n na, wo ee che miin ma sɔn‑da. Wo e to wo bɔɛ n boo fenɛ n na yama yama, chɛɛ wo ee an ma sɔn. Wo e koɔ, wo e butuinɛ chɛ. Wo e mɔɛ fa wan, boo fen koe a. Wo ee fen chɛ n gbɛɛ ma sɔn, wo toen mu miin na. Koe min na mu, wo ee Yataa ɔ tisa.


Ɛ wan yɔ Yataa 'a gboo‑a a fɔ buɛ min dɔ, a ɔ, “Bauncha sɔn koe ɔ gbɛ, mɔ tandenɛ n boo ɔ. Mɔɛ chɛ n sin, miin mu Yataa sɔn bai wa an na, mmɔ ma ɔ sɔn an ta ɛ ma‑a buɛ min dɔ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ